ކޮވިޑް-19: އެޗްއައިއެޗް ގައި ޓޫރިސްޓް ސަޕޯޓް ސެންޓަރެއް ހުޅުވައިފި

15 މާޗް 2020

ހުޅުލޭ އައިލެންޑް ހޮޓެލް (އެޗްއައިއެޗް) ގައި ޓޫރިސްޓް ސަޕޯޓް ސެންޓަރެއް މިއަދު ހުޅުވައިފި އެވެ.

ލަމްޔާ އަބްދުﷲ

ހުޅުލޭ އައިލެންޑް ހޮޓެލް (އެޗްއައިއެޗް) ގައި ޓޫރިސްޓް ސަޕޯޓް ސެންޓަރެއް މިއަދު ހުޅުވައިފި އެވެ.

ޓޫރިޒަމް މިނިސްޓަރު އަލީ ވަހީދު ކުރެއްވި ޓްވީޓެއްގައި ވިދާޅުވީ މި ސެންޓަރު ހިންގާނީ ވެލާނާ އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާއި ފުލުހުން ގުޅިގެން ކަމަށެވެ.

މިނިސްޓަރު ވިދާޅުވީ، ޓޫރިސްޓުން ރާއްޖެ އައުމަށް ފަހު އަދި ފުރައިގެން ދިއުމުގައި މި ސެންޓަރުން އެހީތެރިކަން ފޯރުކޮށްދޭނެ ކަމަށެވެ. އަދި ވިދާޅުވީ މިހާރު ކުރިމަތިވެފައިވާ ހާލަތުގައި ޓޫރިސްޓުންނަށް އަޅާނުލައި ދޫކޮށްނުލާނެ ކަމަށެވެ.

Morning to a hopeful new day. We have established a tourist support center @MaldivesHIH & @VelanaAirport. Tourism Ministry @MoTmv, Tourist @PoliceMv & MACL @MACLmedia will assist you in your arrivals & departures. You will never walk alone. Pls call our hotline number 9423131 ??.
— Ali Waheed (@ali20waheed) March 14, 2020

އެއްވެސް އިތުރު އެހީއެއް ބޭނުންވެއްޖެ ނަމަ، އެތަނުގެ ހޮޓްލައިން 9423131 އަށް ގުޅަން މިނިސްޓަރު އެދިވަޑައިގަތެވެ.

ދުނިޔޭގައި މި ދުވަސްވަރު ފެތުރެމުންދާ ކޮވިޑް-19 ޖެހިފައިވާ 11 މީހަކު ރާއްޖޭން ވެސް ވަނީ ފެނިފަ އެވެ. އެއާ އެކު ރައްކާތެރިކަމުގެ ފިޔަވަޅެއްގެ ގޮތުން ސިއްހީ ކުއްލި ނުރައްކަލުގެ ހާލަތު ވަނީ އިއުލާންކޮށްފަ އެވެ. އޭގެ ދަށުން، އެކި ގައުމުތަކުން މީހުން އައުން މަނާކޮށް ރިސޯޓްތަކާއި ރަށްތަކާ ދެމެދު ދަތުރުކުރުން މަނާކޮށް މާލެ ސަރަހައްދުގެ ގެސްޓް ހައުސްތަކަށް ބިދޭސީން ގެނައުން ވެސް ވަނީ މަނާކޮށްފަ އެވެ. އެހެންވެ، ޓޫރިސްޓުންނަށް ވަނީ ބޮޑު ދަތިކަމެއް ކުރިމަތިވެފަ އެވެ.

Comments