ތިމާވެށި ހިމާޔަތްކުުރުމުގައި ދެމިތިބޭނަން: ރައީސް

ތިމާވެށި ހިމާޔަތްކުުރުމުގައި އަބަދުވެސް ދެމިތިބޭނަން: ރައީސް

05 ޖޫން 2020

ތިމާވެށި ހިމާޔަތްކުރުމުގައި މި ސަރުކާރު އަބަދުވެސް ދެމިތިބޭނެ ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.

ޝުރުފާ މުހައްމަދު

މިއަދު ފާހަގަކުރަމުން އަންނަ ތިމާވެށީގެ ދުވަހުގެ މުނާސަބަތުގައި ރައީސް ކުރެއްވި ޓުވީޓުގައި ރައީސް ވަނީ ކޮވިޑް-19 ގެ މި ހާލަތުން އަރައިގަނެ ހުރިހާ ކަމެއް އަލުން ފަށަން މަސައްކަތްކުރަމުން އަންނައިރު ތިމާވެއްޓާއި، ބައޯޑައިވާސިޓީ ރައްކާތެރިކުރުމުގެ މުހިންމު ކަމުގެ މައްޗަށް އަލިއަޅުއްވާލައްވައިފަ އެވެ. ރައީސް ވިދާޅުވީ މި ސަރުކާރުން އަބަދުވެސް ތިމާވެށި ހިމާޔަތްކުރުމަށް މަސައްކަތްކުރާނެ ކަމަށާއި އަބަދުވެސް އެކަމަށް އަޑުއުފުލާނެ ކަމަށެވެ.

On #WorldEnvironmentDay2020 as we emerge from the covid crisis, it is paramount that we make the protection of the earth’s natural environment and its biodiversity key aspects of our efforts to build anew. My Government will continue our advocacy #ForNature for our common future.
— Ibrahim Mohamed Solih (@ibusolih) June 5, 2020

ރައީސް މިހެން ވިދާޅުވެފައިވާއިރު، މި ދަނޑިވަޅު ވެސް ތިމާވެއްޓާ ގުޅުންހުރި އެކި މައްސަލަތައް އަންނަނީ ފެންމަތިވަމުންނެވެ. އެގޮތުން ގުޅީފަޅަށް ކޮމާޝަލް ޕޯޓު ބަދަލުކުރުމުގެ މަސައްކަތަށް، އެ ރަށުގެ ފަޅުން ބޮޑު ސަރަހައްދެއް ހިއްކަން ފެށުމާއެކު ވިލިމާލޭ ފަރަށް ބޮޑެތި ގެއްލުންތަކެއް ވާން ފަށާފައިވާ ކަމުގެ ޝަކުވާ ތިމާވެއްޓާ ގުޅުންހުރި ގިނަ ބަޔަކު އަންނަނީ ކުރަމުންނެވެ.

މިކަމާ ގުޅިގެން އެންވަޔަރްމެންޓަލް ޕްރޮޓެކްޝަން އޭޖެންސީ (އީޕީއޭ) އިން ވެސް ބުނީ ފަރަށް ކިސަޑު އެޅޭ ކަމަށާއި އެކަން ބަލަމުން އަންނަ ކަމަށެވެ. އަދި ފަޅަށް އެއްވެސް ގެއްލުމެއް އަދި ލިބިފައި ނުވާ ކަމަށް ވެސް އީޕީއޭއިން ބުނެފައި ވެއެވެ.

މި މައްސަލަ މަޖިލީހުން ވެސް މިހާރު އަންނަނީ ބަލަމުންނެވެ.

Comments