މަޖިލީހުގެ ރައީސް ނަޝީދު މާލެ ވަޑައިގެން ކަރަންޓީނުގައި

22 ސެޕްޓެމްބަރ 2020

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އިނގިރޭސިވިލާތަށް ކުރެއްވި ނުރަސްމީ ދަތުރުފުޅު ނިންމައިލެއްވުމަށް ފަހު މިއަދު ހެނދުނު މާލެއަށް ވަޑައިގެންފި އެވެ.

މުހައްމަދު ނަސީމް

ރައްޔިތުންގެ މަޖިލީހުގެ އިދާރާ އިން ބުނީ ކޮވިޑް-19 ފެތުރޭ މި ހާލަތުގައި، ރާއްޖެއިން ބޭރުން އަންނަ މީހުން 14 ދުވަހަށް ކަރަންޓީނުވާން ޖެހޭތީ، އެޗްޕީއޭ އިން ކަނޑައަޅާފައިވާ ގައިޑްލައިންގައި އޮންނަ ގޮތުގެ މަތިން ނަޝީދު މިހާރު ހުންނެވީ ކަރަންޓީނުގައި ކަމަށެވެ.

Hon. President Mohamed Nasheed, MP Speaker of the People’s Majlis calls on Sir @LindsayHoyle_MP Speaker of the House of Commons. During the meeting, they discussed parliamentary issues and highlighted close ties between the two countries, especially in relation to climate change. pic.twitter.com/60OkGQ8w9s
— People's Majlis (@mvpeoplesmajlis) September 16, 2020

އިނގިރޭސިވިލާތަށް ކުރެއްވި ދަތުރުފުޅުގައި އެ ގައުމުގެ ޕާލިމެންޓްގެ ތިރިގެ، ހައުސް އޮފް ކޮމަންސްގެ ސްޕީކަރު ލިންޑްސޭ ހޮއިލްއާ ނަޝީދު ބައްދަލުކުރެއްވި އެވެ. އަދި ޔޫރަޕިއަން ޔޫނިއަން (އީޔޫ) އިން ބޭއްވި އީޔޫ- ޑިމޮކްރަސީ ވީކްގެ ހައިލެވެލް ސެޝަންގައި އެ މަނިކުފާނު ވާޗުއަލްކޮށް ބައިވެރިވެވަޑައިގެންނެވި އެވެ.

ނަޝީދު އިނގިރޭސިވިލާތަށް ވަޑައިގަތީ ރައްޔިތުންގެ މަޖިލީހުގެ މިއަހަރުގެ ދެވަނަ ދައުރު ނިންމައި މަޖިލިސް ޗުއްޓީއަށް ދިއުމުންނެވެ. މިއަހަރުގެ ދެވަނަ ދައުރު ނިންމައި މަޖިލިސް ޗުއްޓީ އަށް ދިޔައީ ދެ ފަހަރެއްގެ މަތިން ޗުއްޓީ ފަސްކުރުމަށް ފަހުގަ އެވެ. މަޖިލިސް ޗުއްޓީއަށް ދިޔައީ މިއަހަރުގެ ދެވަނަ ދައުރުގައި ރެކޯޑް އަދަދަކަށް ޖަލްސާތައް ބާއްވައި، 68 ޕަސެންޓް މަސައްކަތް ނިންމައިފަ އެވެ.

Comments