މިރޭގެ އުރީދޫ އީދު ޝޯ ސޯޝަލް މީޑިއާގައި ޝެއާކޮށްގެން ބޮޑެތި އިނާމުތަކެއް

އުރީދޫން މިރޭ ބާއްވާ "އީދު ޝޯ" ސޯޝަލް މީޑިއާގައި ޝެއާ ކޮށްގެން އަގު ހުރި އިނާމުތަކެއް ހޯދުމުގެ ފުރުސަތު ހުޅުވާލައިފި އެވެ.

މިރޭ 9 އިން 11 އަށް ޑިޖިޓަލްކޮށް ކުރިއަށް ގެންދާ މި ޝޯގައި މިއުޒިކީ ގިނަ ހަރަކާތްތަކެއް ފެންނާނެ އެވެ.

ޝޯ ކުރިއަށް ގެންދާ ވަގުތު ސޯޝަލް މީޑިއާގައި ލައިވް ސްޓްރީމް ލިންކް ޝެއާ ކުރާ ކޮންމެ މީހަކަށް ވެސް ލަކީޑްރޯގައި ބައިވެރިވެވޭނެ އެވެ. ލަކީޑްރޯއިން ހޮވޭ މީހުންނަށް އުރީދޫ އިން ވަނީ އަގުހުރި އިނާމުތަކެއް ހުށަހަޅައިފަ އެވެ.

އުރީދޫން ހުށަހަޅާފައިވާ އިނާމުތައް:

- ކޮކާ ކޯލާއިން ސްޕޮންސާ ކޮށްގެން ދޭ ފަސް މިނިޓްގެ މެއިޑް ގިފްޓް ޕެކެއް.

- ޕްރޮންޓް ލެބުން ސްޕޮންސާ ކޮށްފައިވާ 1،000 ރުފިޔާގެ ގިފްޓް ވައުޗާއެއް.

- މަމަކުން ސްޕޮންސާ ކޮށްފައިވާ ދެ މީހުންގެ ޑިނާއެއް.

- ލަވޭރިއާ ޕިއްޒޭރިއާ އިން ސްޕޮންސާކޮ ށްގެން ދޭ ޕިއްޒާ.

- ކޮފީީ ޝްރަބުން ސްޕޮންސާ ކޮށްގެން ދޭ ދެ މީހެއްގެ ޑްރިންކްސް.

- ލެ ޕާފިއުމުން ސްޕޮންސާކޮ ށްގެން ދޭ ގިފްޓް ޕެކެއް.

- ޕިއްޒާ ކިޗެން އިން ސްޕޮންސާ ކޮށްގެން ދޭ ފަސް ޕިއްޒާ.

މި ލަކީޑްރޯގައި ބައިވެރިވާން ލިންކް ޝެއާ ކުރާ އެކައުންޓުތައް ވާން ޖެހޭނީ ޕަބްލިކް އެކައުންޓުތަކަށެވެ. އެގޮތުން، ފޭސްބުކާއި ޓްވިޓާގައި މި ލިންކު ޝެއާ ކުރެވޭނެ އެވެ.

މިއުޒިކްގެ ތަފާތު ހަރަކާތްތައް ގެނެސްދޭ މި އަހަރުގެ ޝޯގައި ވެސް މަޝްހޫރު ފަންނާނުންގެ ހަރަކާތްތައް ފެންނާނެ ކަމަށް އުރީދޫން ބުނެ އެވެ. މީގެ ތެރޭގައި ޒަކިއްޓެ އާއި ޝަންމޫނާއި ހަބޭސް ފިއުޝަން އަދި ޑަންޑޫރަ ހިމެނެ އެވެ.

މި ފަހަރުގެ އީދު ޝޯ ވެސް ޑިޖިޓަލްކޮށް ބާއްވަން އުރީދޫން ނިންމީ ކޮވިޑް-19ގެ ސަބަބުން އެއްވެ އުޅުމަކީ ރައްކާތެރި ކަމަކަށް ނުވާތީ އެވެ.

އެ ކުންފުނިން ބުނީ، އީދު ޝޯ ޑިޖިޓަލް ކުރީ މި ދަނޑިވަޅުގައި، ގޭގައި ތިބެގެން އުފާވެރި އަދި ކުލަގަދަ އީދެއް ފާހަގަކުރުމުގެ ފުރުސަތު ފަހި ކޮށްދިނުމަށް ކަމަށެވެ.

އުރީދޫގެ އީދު ޝޯ ore.do/eidshow މެދުވެރިކޮށް ވެސް ބަލައިލެވޭނެ އެވެ.