ފޮޓޯ ސްޓޯރީ: ދުނިޔޭގެ އެންމެ ރީތި ބީޗް

ވެލިގަނޑު އައިލެންޑް ރިސޯޓުގެ ބީޗަކީ ގުދުރަތީގޮތުން އުފެދިފައިވާ ދިގު ބީޗެއް. މިއީ ރާއްޖޭގައި ވެސް އެންމެ ބޮޑު އެއް ބީޗު އޮތް ރިސޯޓް. މި ބީޗުގެ ދިގުމިނުގައި 150 މީޓަރު ހުރޭ.

ދުނިޔޭގެ އެންމެ ރީތި ބީޗަކަށް ވެލިގަނޑު އައިލެންޑް ރިސޯޓުގެ ބީޗް ހޮވުނީ އޮންލައިން ޓްރެވަލް އޭޖެންސީއެއް ކަމަށްވާ އެމެރިކާގެ ކިވީ ގެ އިނސްޓަގްރާމް ޕޭޖު މެދުވެރިކޮށް ނެގި ވޯޓުން. "ވޯލްޑް ޗެމްޕިއަންޝިޕް އޮފް ބެސްޓް ބީޗް" މުބާރާތުގެ ފައިނަލުގައި ރާއްޖެއާއެކު ވާދަކުރީ ސީޝެލްގެ ރިސޯޓެއް.

އދ. އަތޮޅުގައި ތަރައްގީ ކޮށްފައިވާ މި ރިސޯޓަކީ ކްރައުން އެންޑް ޗަމްޕާ ކުންފުނީގެ ދަށުން ހުޅުވި ރިސޯޓެއް. މި ރިސޯޓު ހުޅުވީ 184 ވަނަ އަހަރުގައި. މި ރިސޯޓުގައި ވޯޓާ ވިލާ އާއި ބީޗު ވިލާ ހިމެނޭހެން 91 ވިލާ ހުރޭ.

ދުނިޔޭގެ އެންމެ ރީތި ބީޗުގެ އިތުރުންވެސް ޓޫރިޒަމްގެ ތަފާތު އެވޯޑުތައް އެ ރިސޯޓުން ވަނީ ކާމިޔާބު ކޮށްފައި. މީގެ ތެރޭގައި އޭޝިއާ ބައްރުގެ އެންމެ ރޮމޭންޓިކް މަންޒިލާއި ޓްރެވަލް އެޑްވައިޒާގެ ޓްރެވެލާސް ޗޮއިސް އެވޯޑު ވެސް އެ ރިސޯޓަށް ވަނީ ލިބިފައި.

ވެލިގަނޑު ރިސޯޓު ހިންގާ ކްރައުން އެންޑް ޗަމްޕާއިން ބުނީ ދުނިޔޭގެ އެންމެ ރީތި ބީޗުގެ މަގާމު އެ ރިސޯޓަށް ލިބުމަކީ ރާއްޖެއަށާއި ރާއްޖޭގެ ޓޫރިޒަމަށް ވެސް ލިބުނު ކުރިއެރުމެއް ކަމަށް. އެ ރިސޯޓުގެ ބީޗަކީ ރިސޯޓުގެ އެންމެ ހާއްސަ ފީޗާތަކުގެ ތެރޭގައި ހިމެނޭ ބައެއް.

މި ރިސޯޓުގައި ޓޫރިސްޓުންނަށް ހާއްސަ ޑައިވް ސެންޓަރަކާއި ފޮޓޯ ސްޓޫޑިއޯއެއްގެ އިތުރުން ގޭމް ރޫމަކާއި ދިވެހި އުފެއްދުންތައް ލިބޭ ސުވެނިއާ ޝޮޕެއް ވެސް ހުރޭ. މި ރިސޯޓުގެ ބީޗުގައި އިންފިނިޓީ ޕޫލެއް ވެސް ވަނީ ހަދާފައި.