އެމްފައިސާ ބޭނުންކޮށްގެން ކެކްޓަސް އިން ޑިސްކައުންޓް

ކެކްޓްސް މޯލްޑިވްސް އިން ވިޔަފާރިކުރަން އުރީދޫގެ އެމްފައިސާ ބޭނުންކުރުމުން މިހާރު ޑިސްކައުންޓު ލިބޭނެ ކަމަށް އުރީދޫން ބުނެފި އެވެ.

ޓީޗަރުންގެ ދުވަހާ ގުޅުވައިގެން ފެށި މި ހިދުމަތާ އެކު އެމްފައިސާ މެދުވެރިކޮށް ކެކްޓަސް އިން މާ ގަންނަ ކޮންމެ މީހަކަށް ފަސް ޕަަސެންޓުގެ ޑިސްކައުންޓެއް ލިބޭނެ އެވެ.

ކެކްޓަސް އަކީ އެކި މުނާސަބަތުތަކަށް ހާއްސަ ބޮކޭތައް ހެދުމުގެ އިތުރުން ތަފާތު ބާވަތްތަކުގެ މަލާއި ގަސް ވިއްކާ ފިހާރައެކެވެ.

އުރީދޫން ބުނީ އެމްފައިސާ ކަސްޓަމަރުންނަށް ކެކްޓަސް މެދުވެރިކޮށް ޑިސްކައުންޓު ދޭން ފެށީ އެކި މުނާސަބާތަކާ ގުޅުވައިގެން މާ ގަންނަން ބޭނުންވާ މީހުންނަށް އެ ފުރުސަތު ފަހިކޮށްދޭން ކަމަށެވެ.

އެމްފައިސާ އަކީ އުރީދޫން ތައާރަފު ކޮށްފައިވާ ޑިޖިޓަލް ވޮލެޓެކެވެ. މި ވޮލެޓަށް ކޭޝްއިން ކުރުމަށް ފަހު ގިނަ ހިދުމަތްތަކަކަށް ފައިސާ ދެއްކޭނެ އެވެ.

އެމްފައިސާގެ ހިދުމަތް ބޭނުންވާ މީހުންނަށް އެޕް ސްޓޯރާއި ޕްލޭ ސްޓޯ މެދުވެރިކޮށް އެޕްލިކޭޝަން ޑައުންލޯޑު ކުރެވޭނެ އެވެ.