ހަކުރު ބަލީގެ ސަބަބުން ލޯ އެއްކޮށް އަނދިރިވެދާނެތަ؟

މި މަހަކީ ދުނިޔޭގައި ކުލަ ގަދަކޮށް ފާހަގަކުރަމުންދާ ހަކުރުބައްޔަށް ހޭލުންތެރި ކުރުމުގެ މަހަށްވާ އިރު ހަކުރު ބަލީގެ ސަބަބުން ލޮލުގެ ފެނުމަށް ވެސް ބޮޑު އަސަރެއް ކުރެ އެވެ.

ހަކުރުބަލީގެ ސަބަބުން ލޮލުގެ ގިނަ ބައްޔެއް ޖެހުމުގެ ފުރުސަތު ބޮޑުވެ އެވެ. އޭގެ ތެރޭގައި ޑައިބެޓިކް ރެޓިނޮޕަތީ، ޑައިބެޓިކް މެކިއުލާ އެޑީމާ، ކެޓެރެކްޓްސް އަދި ގްލޯކޯމާ ހިމެނެ އެވެ.

ތަފާސް ހިސާބުތައް ދައްކާގޮތުގައި ހަކުރުބަލި ޖެހިފައިވާ ދޮށީ އުމުރުފުރައިގެ މީހުންތަކުގެ ތެރެއިން ކޮންމެ ތިން މީހަކުން އެކަކަށް މިބަލި ޖެހެ އެވެ. މި ބަލިތަކުގެ ތެރެއިން އެންމެ އާންމު ބައްޔަކީ ޑައިބެޓިކް ރެޓިނޮޕަތީ އެވެ. މިފަދަ ބަލިތައް އެންމެ ނުރައްކާވާ އެއް ސަބަބަކީ ބަލީގެ ކުރީކޮޅު ބަލިޖެހިފައިވާ ކަން އަމިއްލައަށް ދެނެގަންނާނެ އެއްވެސް ނިޝާނެއް ފެންނަން ނުހުރުމެވެ. ޑައިބެޓިކް ރެޓިނޮޕަތީގެ ސަބަބުން ލޮލުގެ ފެނުން އެއްކޮށް މަހުރޫމްވުމުގެ ފުރުސަތު ވެސް ބޮޑެވެ.

މާބަނޑު ދުވަސްވަރު ޖެހޭ ހަކުރުބަލީގައި ލޮލަށް ޖެހޭ ބަލިތައް ޖެހުމުގެ ފުރުސަތު ނެތް ކަން ތަފާސްހިސާބުތަކުން ދައްކަ އެވެ. އެހެންނަމަވެސް ޓައިޕް 1 އަދި ޓައިޕް 2 ޑައިބެޓިކްސް ސަބަބުން މިފަދަ ބަލިތަކަށް މަގުފަހިވެ އެވެ. މި ބަލި ދެނެގަތުމަށްޓަކައި ހަކުރުބަލި ތަހަންމަލް ކުރަމުންދާ ފަރާތްތައް ގަވާއިދުން ސިއްހީ ފަރުވާދޭ ފަރާތެއްގެ ލަފާ ހޯދުން މުހިންމެވެ. އަދި އަވަހަށް ދެނެގަނެ ފަރުވާ ފެށިއްޖެ ނަމަ މިފަދަ ބަލިތަކުގެ ސަބަބުން ދިމާވާ ދާއިމީ ގެއްލުންތައް 95 ޕަސެންޓް ކުޑަ ކުރެވޭނެ އެވެ.

މީގެ އިތުރުން 40 އަހަރުން މަތީގެ ހަކުރުބަލި ޖެހޭ މީހުން ލޮލުގެ ހާއްސަ ޑޮކްޓަރަކަށް ދެއްކުން ވަރަށް މުހިންމެވެ. މި ހިދުމަތްތައް އެންމެ ފަސޭހަކަމާއި އެކު އެކަށޭނަ އަގެއްގައި އައިކެއާ އިން ލިބޭނެ އެވެ.

އައިކެއާ ކްލިނިކް އަދި ހޮސްޕިޓަލް ހުޅުވިފައި ހުންނާނީ ކޮންމެ ހަފްތާއެއްގެ ހޮނިހިރު ދުވަހުން ބުރާސްފަތި ދުވަހު ހެނދުނު 8:30 އިން ރޭގަނޑު 11:00 އަށެވެ. އައިކެއާއިން ދޭ ހިދުމަތްތަކުގެ ތެރޭގައި މެޑިކަލް ރެޓީނާ ސާވިސަސް، ކޮމްޕްރިހެންސިވް އައި އެގްޒާމް، ސާޖެރީ އަދި ޓްރީޓްމަންޓް، ރިފްރެކްޓިވް އެރާ، ކަރެކްޝަން އަދި ޕްރިސްކްރިޕްޝަން އާއި ކޮންޓެކްޓް ލެންސްގެ ހިދުމަތް ދެ އެވެ.

އައިކެއާ އިން އެޕޮއިންޓްމަންޓް ހެއްދުމަށް 3321026 އަށް ގުޅައިގެން ކުރިއަށް ގެންދެވޭނެ އެވެ.