ސްޕޭސް ޓޫރިސްޓެއްގެ ގޮތުގައި ޖަޕާންގެ މަހުޖަނަކު އައިއެސްއެސް އަށް ހިނގައްޖެ

09 ޑިސެމްބަރ 2021

އާންމުންގެ ބަޔަކު ގޮވައިގެން ހަނދަށް ދާނެކަން އިއުލާންކޮށްފައިވާ ޖަޕާނުގެ މަހުޖަނު ޔުޒާކޫ މައެޒާވާ މި އިންޓަނޭޝަނަލް ސްޕޭސް ސްޓޭޝަން (އައިއެސްއެސް) އަށް ބުދަ ދުވަހު ހިނގައްޖެ އެވެ.

އަހުމަދު އަދްޝަން

އޭނާ މި ދަތުރަށް ދާން ނިންމިކަން އިއުލާންކުރީ މި އަހަރުގެ މެއި މަހުގެ ތެރޭގަ އެވެ. ރަަޝިއާގެ ޖައްވީ އިދާރާ، ރޮސްކޮސްމޮސްއާ އެކު އިތުރު ދެ މީހަކާ އެކު ޔުޒާކޫ އައިއެސްއެސް އަށް ކުރާ 12 ދުވަހުގެ ތެރޭގައި 100 ހަރަކާތެއް އެތަނުގައި ހިންގާނެ އެވެ. އޭގެ ތެރޭގައި ގޮލްފް ކުޅުން ވެސް ހިމެނެ އެވެ.

ޔުޒާކޫގެ ދަތުރުގައި އޭނާއާ އެކު ބައިވެރި ވަނީ ރަޝިއާގެ ކޮސްމޮނޯޓް އެލެގްޒެންޑާ މިޒުރުކީން އާއި ވީޑިއޯ ޕްރޮޑިއުސަރު ޔޯޒޯ ހިރާނޯ އެވެ. ޔޯޒޯ އަކީ ޔުޒާކޫގެ ދަތުރު ޖައްވީ ދަތުރުމާނާ ޑޮކިއުމަންޓްކޮށް އޭނާގެ ޔޫޓިއުބް ޗެނެލްގައި ގެނެސްދޭން ހަވާލުކޮށްފައިވާ މީހާ އެވެ.

LOOK: Billionaire Yusaku Maezawa blasts off from Kazakhstan for a 12-day trip as Japan's first space tourist.

Joining him are his assistant, and cosmonaut Alexander Misurkin. Maezawa plans to wire cash to Twitter followers while in orbit https://t.co/PQCc4O71e8 #前澤宇宙旅行 pic.twitter.com/gsVULKiExb
— Bloomberg Quicktake (@Quicktake) December 8, 2021

ކަޒަކަސްތާންގެ ބައިކޮނޫ ކޮސްމޮޑްރޯމް އިން ފެށި މި ދަތުރަކީ ފަހުގެ ތާރީހެއްގައި ސްޕޭސް ޓޫރިސްޓެއްގެ ގޮތުގައި އައިއެސްއެސް އަށް މީހަކު ކުރާ ފުރަތަމަ ދަތުރެވެ. ޔުޒާކޫގެ މި ދަތުރަށް 88 މިލިއަން ޑޮލަރު ހޭދަވާ ކަމަށް ރިޕޯޓްތައް ބުނެ އެވެ.

#EScienceNews| Japanese Space Tourists blast off to ISS

Japanese Billionaire Yusaku Maezawa and media producer Yozo Hirano just began their 12-day tourist mission to the International Space Station with a successful launch at 3:38 PM (PhST) from Baikonur Cosmodrome, Kaz. pic.twitter.com/CcsXiEOOik
— Earth Shaker PH (@earthshakerph) December 8, 2021

ރަޝިއާގެ ޖައްވީ އިދާރާ އިން ޔުޒާކޫ އައިއެސްއެސް އަށް ގެންގޮސްދިން އިރު، އެ ގައުމުގެ ފިލްމެއްގެ މަންޒަރުތަކެއް ވެސް ދާދި ފަހުން އައިއެސްއެސްގައި ޝޫޓްކޮށްފައިވެ އެވެ. އަދި އެއީ ފީޗާ ފިލްމެއްގެ މަންޒަރުތަކެއް އެތަނުގައި ޝޫޓްކުރި ފުރަތަމަ ފަހަރު ވެސް މެ އެވެ.

【11 days until Launch?】

Unusual training in Russia ③

The spinning chair - almost feels like torture. Some cosmonauts say it’s necessary, some say it’s not. Either way, it’s the hardest training ever done.

※Warning: eyes will be spinning just by watching#MZJourneytoSpace pic.twitter.com/ARzh7yaXXk
— Yusaku Maezawa (MZ) (@yousuckMZ) November 27, 2021

ޔުޒާކޫ ބުނި ގޮތުގައި ގިނަ ދުވަސްތަކެއްގެ އުނދަގޫ ޓްރޭނިންތަކަކަށް ފަހު އައިއެސްއެސް އަށް ދެވުމަކީ އޭނާ ކަހަލަ ހުވަފެން ދެކޭ މީހުންނަށް ވެސް ހުވަފެން ހަގީގަކަށް ހެދިދާނެކަން ހާމަކޮށްދޭ ކަމެކެވެ. ޔުޒާކޫ، 46، އަކީ މަހުޖަނު އީލޮން މަސްކްގެ ސްޕޭސް އެކްސް އިން ކުރިއަށް ގެންދަން ނިންމާފައިވާ ސްޕޭސް ޓޫރިޒަމްގެ ދަތުރަށް އެންމެ ފުރަތަމަ ފައިސާ ދެއްކި މީހާ ވެސް މެ އެވެ.

މި އަހަރުގެ ޖުލައި މަހުގެ ތެރޭގައި އިނގިރޭސި މަހުޖަނު ރިޗަޑް ބްރޭންސަން އޭނާގެ ޖައްވީ ކުންފުނި، ވާޖިން ގެލެކްޓިކް އުޅަނދެއްގައި އަދި އެމެޒޯން ކުންފުނީގެ ކުރީގެ ސީއީއޯ ޖެފް ބެޒޮސް އޭނާގެ ޖައްވީ ކުންފުނި، ބްލޫ އޮރިޖިންގެ އުޅަނދެއްގައި ޖައްވީ ދަތުރުތަކެއް ކޮށްފައިވެ އެވެ.