ކެންސަރަށް ފަރުވާ ކުރަމުން ދިޔަ ސައިފް ނިއާވެއްޖެ

ކެންސަރަށް ފަރުވާ ހޯދަމުން ދިޔަ ސައިފް ނިއާވެއްޖެ

31 ޖެނުއަރީ 2022

ދުނިޔޭގައި ވެސް ވަރަށް މަދުން ނޫނީ ނުފެންނަ ކެންސަރުގެ ބާވަތެއްގައި ވަރަށް ގިނަ ދުވަހު އުޅުމަށް ފަހު، ފަރުވާގެ ތެރޭގައި އަލީ ސައިފް ލަތީފް މިއަދު ފަތިހު ނިއާވެއްޖެ އެވެ.

މޫސާ ރަޝީދު

އޭނާ ފާހަގަކުރެވިފައި ވަނީ، އެ ބަލީގެ ވޭނުގައި ވަރަށް ހިތްވަރުގަދަ ޒުވާނެއްގެ ގޮތުގަ އެވެ. އޭނާ ނިޔާވުމާ ގުޅިގެން، އެކަން އޭނާގެ ވަރަށް ގިނަ ރައްޓެހިން ވެސް ފާހަގަކޮށްފައި ވެ އެވެ.

އިންޑިޔާގެ އަމްރިތާ ހޮސްޕިޓަލުގައި ފަރުވާ ހޯދަމުން އައި އުމުރުން 40 އަހަރުގެ ސައިފް ފަރުވާ ހޯދަމުން އައީ "ބޮޓްރަޔޮޑް ވޭރިއަންޓް އޮފް އެމްބްރިޔޯނަލް ރަބްޑޯމަޔޯސޯކާ" ނަމަކަށް ކިޔާ ކެންސަރުގެ ބާވަތަކަށެވެ.

My brother @psyphs has passed away at 05:42AM today, 31 January 2022. Words fail me. Words cannot describe what he meant to me. May god grant him jannat everlasting. He has so many friends and followers that it’s not humanly possible to let all know individually. So pls help us.
— Hamza Latheef (@hamza_latheef) January 31, 2022

އޭނާގެ ބައެއް ރަހުމަތްތެރިން ސިފަކުރި ގޮތުގައި ސައިފަކީ އަހުލާގު ރަނގަޅު، އަދި މި ބަލީގެ ވޭނުގައި އުޅެމުން ދިޔަ ދޮޅު އަހަރުގެ ތެރޭގައި ވެސް ހިތްވަރު ދެއްކި ނަމޫނާ މީހެކެވެ. އަދި، ބަލި ޖެހުމާ އެކު، އެހެން މީހުންނަށް ހިތްވަރު ދެއްކުމަށް އޭނާ ވަނީ ބާރު އަޅައިފަ އެވެ.

Comments