މަދީނާގެ ބަސް އެކްސިޑެންޓެއްގައި 8 އުމްރާވެރިން މަރު

މަދީނާގައި ހިނގި ބަސް އެކްސިޑެންޓެއްގައި 8 އުމްރާވެރިން މަރުވެއްޖެ

23 އެޕްރީލް 2022

މަދީނާ (އެޕްރީލް 23) - މަދީނާގައި އިއްޔެ ހިނގި ބަސް އެކްސިޑެންޓެއްގައި އަށް އުމްރާވެރިން މަރުވެއްޖެ އެވެ.

ހަސަން އާމިރު

މަދީނާ (އެޕްރީލް 23) - މަދީނާގައި އިއްޔެ ހިނގި ބަސް އެކްސިޑެންޓެއްގައި އަށް އުމްރާވެރިން މަރުވެއްޖެ އެވެ.

އެކްސިޑެންޓުގައި މީހުން ސަލާމަތްކުރުމުގައި އެހީތެރިވި މަދީނާ ރޯޑް ސޭފްޓީ ޑިޕާޓްމަންޓުން ބުނީ 51 މީހުން ދަތުރުކުރި ބަސް އެކްސިޑެންޓްވީ ޖިއްދާ އާއި މަދީނާއާ ދެމެދު ދަތުރުކުރާ ހިޖްރާ ހައިވޭގައި ކަމަށެވެ. ރޯޑް ސޭފްޓީ ޑިޕާޓްމަންޓުން ބުނީ އެކްސިޑެންޓްވީ ޑްރައިވަރަށް ބަސް ކޮންޓްރޯލް ނުކުރެވިގެން ގޮސް، ބަސް ފުރޮޅާލުމުގެ ސަބަބުން ކަމަށެވެ.

މަދީނާގެ ރެޑް ކްރެސެންޓް އޮފީހުގެ ޑިރެކްޓަރު ޖެނެރަލް އަހުމަދު އަލް ޒަހްރާނީ ވިދާޅުވީ އެކްސިޑެންޓުގައި 43 މީހުން ޒަޚަމްވި ކަމަށެވެ. އޭގެ ތެރޭން ތިން މީހެއްގެ ހާލު ސީރިއަސް ކަމަށް ވެސް އޭނާ ވިދާޅުވި އެވެ.

Red Crescent:

"A bus carrying 51 Pilgrims overturned on Hijrah Highway in Madinah Al Munawarrah region today resulting in a number of injuries including 8 deaths"

إِنَّا لِلَّٰهِ وَإِنَّا إِلَيْهِ رَاجِعُونَ
— Haramain Sharifain (@hsharifain) April 22, 2022

ބަހުގައި ތިބީ ކޮން ގައުމުތަކެއްގެ އުމްރާވެރިން ކަމެއް ނޭނގެ އެވެ. ޒަޚަމްވި މީހުންނަށް މިހާރު ދަނީ ހޮސްޕިޓަލްގައި ފަރުވާ ދެމުންނެވެ. ސައުދީގެ ކަމާބެހޭ ފަރާތްތަކުން މިހާރު ދަނީ ބަސް އެކްސިޑެންޓް ތަހުގީގު ކުރަމުންނެވެ.

Comments