ފުވައްމުލަކު މަގު ހެދުމުގެ މަސައްކަތުގެ ބޮޑުބައި ނިމިއްޖެ

ފުވައްމުލަކުގެ އެތެރޭގެ މަގުތައް ހެދުމުގެ މަޝްރޫއުގެ މަސައްކަތުގެ ބޮޑުބައި ނިމިއްޖެ ކަމަށް އެމްޓީސީސީ އިން މިއަދު ބުުނެފި އެވެ.

އެ ކުންފުނިން ބުނީ މަޝްރޫއަށް ބޭނުންވާ އެސްފޯލްޓް ޕްލާންޓް މި މަހުގެ 27 ވަނަ ދުވަހު ފުވައްމުލަކަށް ގެންގޮސްފައިވާ ކަމަށެވެ.

މަގުހެދުމުގެ މި މަޝްރޫއުގެ ދަށުން 122 އަކަ މީޓަރުގެ ސަރަހައްދެއްގައި ސަބްބޭސް އެޅުމާއި، 95 އަކަ މީޓަރުގެ ތާރު އެޅުމުގެ އިތުރުން 27 އަކަ މީޓަރުގެ ފުޓްޕާތު ހެދުން ހިމެނެ އެވެ.

މީގެ އިތުރުން ފުވައްމުލަކު މަގުތަކުގައި މަގުމަތީ ނިޝާން ހަރުކުރުމާއި މަގުބައްތި ހަރުކުރުމުގެ އިތުރުން 19 މީޓަރުގެ ފެން ހިންދާ ނިޒާމުގެ މަސައްކަތް ހިމެނޭ ކަމަށް އެމްޓީސީސީ އިން ބުންޏެވެ.

ފުވައްމުލަކު އެތެރޭގެ މަގުހެދުމުގެ މި މަޝްރޫއަކީ 331 މިލިއަން ރުފިޔާގެ މަޝްރޫއެކެވެ.