31 މެއި 2022
ހައި ކޯޓުގެ ފަނޑިޔާރު އަބްދުއްރައޫފް އިބްރާހިމް މިއަދު އިސްތިއުފާ ދެއްވައިފި އެވެ.
މުއިއްޒު އިބްރާހިމް
ހައި ކޯޓުގެ ފަނޑިޔާރު އަބްދުއްރައޫފް އިބްރާހިމް މިއަދު އިސްތިއުފާ ދެއްވައިފި އެވެ.
ރައޫފް އިސްތިއުފާ ދެއްވިއިރު، އޭނާ ފަނޑިޔާރުކަމުން ވަކިކުރަން ޖުޑީޝަލް ސާވިސް ކޮމިޝަން (ޖޭއެސްސީ) އިން ރައްޔިތުންގެ މަޖިލީހަށް ދާދިފަހުން އޮތީ ފޮނުވައިފަ އެވެ. އެއީ ކުރީގެ ސަރުކާރުގެ ދުވަސްވަރު މާލޭގެ ހައި ކޯޓުގައި ތިއްބެވި ފަނޑިޔާރުންނަށް އޭރުގެ ހައުސިން މިނިސްޓްރީން ދިން ފްލެޓްތައް ގަބޫލު ކުރައްވާފައިވާ މައްސަލާގަ އެވެ.
އޭނާ އިސްތިއުފާ ދެއްވިކަން ހައި ކޯޓުން ކަށަވަރުކޮށްދެ އެވެ.
އެ މައްސަލާގައި ރައޫފާއި ފަނޑިޔާރު އަބްދުﷲ ހަމީދު ވަކިކުރަން މަޖިލީހަށް ފޮނުވިޔަސް، ޖޭއެސްސީން އަމަލުކުރި ބައެއް އިޖްރައާތުތަކާ މެދު މަޖިލީހުގެ ޖުޑިޝަރީ ކޮމެޓީން ވަނީ ސުވާލު އުފައްދައިފަ އެވެ. އެކަމާ މެދު ކޮމެޓީން އަދިވެސް ވަކި ގޮތެއް ނުނިންމަ އެވެ.
ހައި ކޯޓުގައި ބޮޑެތި އަދި މަޝްހޫރު މައްސަލަތައް ބެއްލެވުމުގައި ބައިވެރިވެ ވަޑައިގަތް ރައޫފަކީ 2011 ވަނަ އަހަރު ހައި ކޯޓަށް އައްޔަން ކުރެއްވި ބޭފުޅެކެވެ. އޭނާއާ އެކު އެ ކޯޓަށް އޭރު އައްޔަން ކުރެއްވި ފަނޑިޔާރު އަލީ ސަމީރު ވެސް ދާދިފަހުން ވަނީ އިސްތިއުފާ ދެއްވައިފަ އެވެ.
ސަމީރު މިހާރު ހުންނެވީ ޑެޕިއުޓީ ޕީޖީގެ މަގާމުގަ އެވެ.
ހައި ކޯޓުގެ ފަނޑިޔާރު ސަމީރު އިސްތިއުފާ ދެއްވައިފި
ހައި ކޯޓުގެ ފަނޑިޔާރު ކަމަށް މާނިއު އައްޔަންކޮށްފި
ހައި ކޯޓުގެ އިސް ފަނޑިޔާރަކަށް ޝަހީދު
ފަނޑިޔާރު ޝަކީލް ރިޓަޔަކުރައްވަން ހުށަހަޅުއްވައިފި
އިސް ފަނޑިޔާރު ކަމަށް ކުރިމަތިލީ އެެންމެ ބޭފުޅެއް
ހުކުމްކުރުން ލަސްވުމުން މެޖިސްޓްރޭޓަކު ސަސްޕެންޑްކޮށްފި
ޝަރުއީ ދާއިރާގެ އިސް މަގާމުތަކަށް ޝައުގެއް ނެތް!
ހައިކޯޓުގެ އިސް ފަނޑިޔާރުކަން ކުރާނެ ބޭފުޅަކު ނުވި
ހައިކޯޓާއި ދެ ކޯޓަކަށް ފަނޑިޔާރުން އައްޔަންކޮށްފި
ހައިކޯޓުގެ އިސްފަނޑިޔާރުކަމަށް ކުރިމަތިލާން ހުޅުވާލައިފި
