އެސްޓީއޯއިން މަކިޓާގެ އާ ޝޯރޫމެއް ހުޅުވައިފި

އެސްޓީއޯއިން މަކިޓާ ބްރޭންޑްގެ އާ ޝޯރޫމެއް ރޭ ހުޅުވައިފި އެވެ.

އެ ޝޯރޫމް ހުޅުވީ ވަނީ ބޮޑުތަކުރުފާނުމަގު ސީ ޓްރެކްސް އިމާރާތުގެ ގްރައުންޑް ފްލޯގަ އެވެ.

މަކިޓާ ބްރޭންޑުގެ ތަކެތި ރާއްޖެ އެތެރެކޮށް މާކެޓުކުރާ އެސްޓީއޯ އިން ބުނީ އަލަށް ހުޅުވި ޝޯރޫމާ އެކު ކަސްޓަމަރުންނަށް ފުރިހަމަ ހިދުމަތްތަކެއް ލިބޭނެ ކަމަށެވެ.

މަކިޓާ އުފެއްދުންތަކުގެ ސްޕެއާ ޕާޓްސް އާއި އެ ބްރޭންޑްގެ ހާއްސަ ސާވިސް ސެންޓަރެއް ވެސް އެ ޝޯރޫމުގައި ހެރެ އެވެ.

އެސްޓީއޯ އިން ލިބެން ހުރި މަކިޓާ އުފެއްދުންތަކުގެ ތެރޭގައި، ލަކުޑި އާއި ވަޑާންކުރާ ސާމާނު، އައުޓްޑޯ މަސައްކަތަށް ބޭނުންކުރާ ސާމާނު، ދަނޑުވެރިކަމުގައި ބޭނުންކުރަން ހާއްސަކޮށްފައިވާ އުފެއްދުން އަދި އާއްމުކޮށް ބޭނުންކުރާ ވެކިއުމް ކްލީނަރު ފަދަ ސާމާނު ހިމެނެ އެވެ.

މާލޭގެ އިތުރުން، އެސްޓީއޯ ރީޖަނަލް ފިހާރަތަކުންނާއި އެސްޓީއޯ ޕީޕަލްސް ޗޮއިސްގެ އޭޖެންޓުން ވެސް މަކިޓާ އުފެއްދުންތައް ކަސްޓަމަރުންނަށް ފޯރުކޮށްދެ އެވެ.

ރާއްޖޭގައި މަކިޓާ ބްރޭންޑްގެ އުފެއްދުންތައް މާކެޓް ކުރާތާ 25 އަހަރު ވެއްޖެ އެވެ. އެ ބްރޭންޑަކީ ދިވެހި މަސައްކަތްތެރިންގެ މެދުގައި މަގްބޫލްކަމެއް ހޯދާފައިވާ ބްރޭންޑެކެވެ.