25 އޯގަސްޓް 2022
ޗައިނާގައި ތައުލީމު ފޯރުކޮށްދޭ އިދާރާތަކާ ގުޅިގެން ދިވެހި ނޫސްވެރިން ތަމްރީނުކުރުމަށް، ރާއްޖޭގައި ހުންނަ އެ ގައުމުގެ އެމްބަސީއާއެކު މޯލްޑިވްސް މީޑިއާ ކައުންސިލް (އެމްއެމްސީ) އިން މިއަދު މަޝްވަރާކޮށްފި އެވެ.
ޗައިނާގައި ތައުލީމު ފޯރުކޮށްދޭ އިދާރާތަކާ ގުޅިގެން ދިވެހި ނޫސްވެރިން ތަމްރީނުކުރުމަށް، ރާއްޖޭގައި ހުންނަ އެ ގައުމުގެ އެމްބަސީއާއެކު މޯލްޑިވްސް މީޑިއާ ކައުންސިލް (އެމްއެމްސީ) އިން މިއަދު މަޝްވަރާކޮށްފި އެވެ.
އެމްއެމްސީން ބުނީ ޗައިނާ އެމްބަސީގެ އެމްބެސަޑަ އެކްސްޓްރާއޯޑިނަރީ އެންޑް ޕްލެނިޕޮންޓެޝަނަރީ ވެންގު ލިޒިން އާއި އެޓާޗޭ ވެންގޯ ލޯންހޯއާއެކު ބޭއްވި ބައްދަލުވުމުގައި މައިގަނޑު ގޮތެއްގައި މަޝްވަރާކުރީ ނޫސްވެރިން އަމަލީ ތަޖުރިބާގެ ދަތުރުތަކަށް ފޮނުވުމާއި ފަންނީ ގާބިލްކަން އިތުރުކުރުމަށް އެހީތެރިވެދިނުމާ ގުޅޭގޮތުން ކަމަށެވެ.
އޭގެ އިތުރުން ސްކޮލަޝިޕް ފުރުސަތު ނޫސްވެރިންނަށް ހޯދައިދިނުން އަދި ކުރިއަށް އޮތް ދުވަސްތަކުގައި ދެ ފަރާތުން ގުޅިގެން މަސައްކަތް ކުރުމަށް ވެސް މަޝްވަރާކުރި ކަމަށް ބުންޏެވެ.
MMC President, Mr. Mohamed Shafaau Hassan along with the delegation of MMC, met with Ambassador Extraordinary and Plenipotentiary to China, H.E. Wang Lixin.
— Maldives Media Council (@mmc_mv) August 25, 2022
During the meeting, Capacity Development for Journalist and the areas of collaboration were discussed. pic.twitter.com/BwC3Y2NPqz
ޗައިނާ އެމްބަސީން ވަނީ ނޫސްވެރިންނަށް ތަމްރީނުގެ ފުރުސަތުތައް ހޯދައިދިނުމަށް މަސައްކަތް ކޮށްދޭނެ ކަމުގެ ޔަގީންކަން ދީފަ އެވެ.
އެ ބައްދަލުވުމުގައި އެމްއެމްސީގެ ފަރާތުން ބައިވެރިވެވަޑައިގަތީ އެ ކައުންސިލްގެ ރައީސް މުހައްމަދު ޝަފާއު އާއި ކައުންސިލްގެ މެމްބަރުން ކަމަށްވާ އަލީ ހުސެއިނާއި އަހުމަދު މޫސާ އަދި އެ ކައުންސިލްގެ ސެކްރެޓަރީ ޖެނެރަލް ޑރ. އިބްރާހިމް ސަމީރެވެ.
ނޫސްވެރިން ތަމްރީނުކުރުމަށް ޗައިނާ އެމްބަސީއާއެކު މަޝްވަރާކުރިއިރު، އެ ގައުމުން މީގެ ކުރިން ވެސް ވަނީ ނޫސްވެރިންނަށް ދިގު މުއްދަތުގެ ތަމްރީނުގެ ފުރުސަތުތައް ހޯދައިދީފަ އެވެ.
ދިވެހި ނޫސްވެރިން ތަމްރީނުކުރުމަށް ޖަޕާން އެމްބަސީއާއެކު ވެސް އެމްއެމްސީން މި މަހުގެ 11 ވަނަ ދުވަހު މަޝްވަރާކޮށްފައިވެ އެވެ.
"މީޑިއާތަކަށް މާލީ މިނިވަންކަން ހޯދައި ދޭންޖެހޭ"
ނޫސްވެރިކަމުގެ ހަޔާތީ އަރުތަ ހިރިގާ ޒާހިރާއި ރަމީޒަށް
"މިހާރު" ގެ ފަސް ނޫސްވެރިއަކަށް އެވޯޑް
މީޑިއާ ކައުންސިލަށް ތިން މެމްބަރުން އިންތިހާބުކޮށްފި
ނޫސްވެރިންނަށް ފުރައްސާރަކުރާތީ އެމްއެމްސީގެ ކަންބޮޑުވުން
އެމްއެމްސީގެ ރައީސަކަށް މުސްތަފާ، ނައިބަކަށް ހުސެއިން
ނޫސްވެރިންގެ އެވޯޑް ހަފުލާއަށް ސަރުކާރު ހާޒިރެއް ނުވޭ!
ނޫސްވެރިން ތަމްރީނުކުރުމަށް ޖަޕާނާއެކު މަޝްވަރާކޮށްފި
"މީޑިއާގެ މިނިވަންކަން ކަށަވަރުކުރަން ހެޔޮ ނިޔަތެއް ނެތް"
މަސްދަރު ހާމަކުރެވޭ ގޮތަށް ބިލް ފާސްނުކުރަން އެދިއްޖެ