ޓިކްޓޮކްގައި ބަރަހަނާވާ މީހާ ތިން ވަނަ ފަހަރަށް ހައްޔަރުކޮށްފި

ސޯޝަލް މީޑިއާގައި ބަރަހަނާވަމުން ދިޔަ ފިރިހެންމީހާ އަނެއްކާ ވެސް ހައްޔަރުކޮށްފި އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ އާއްމު އިޖުތިމާއީ މިންގަނޑާ ހިލާފު ފޮޓޯތަކެއް ސޯޝަލް މީޑިއާގައި އާންމު ކޮށްފައިވާ މައްސަލައެއްގައި ކޯޓު އަމުރެއްގެ ދަށުން އުމުރުން 37 އަހަރުގެ ދިވެއްސަކު ހައްޔަރުކޮށްފައިވާ ކަމަށެވެ.

އެ މައްސަލައިގައި މީގެ ކުރިން ވެސް އޭނާ ހައްޔަރުކޮށް، ތަހުގީގަށް ބަންދުގެ މުއްދަތު އިތުރުކުރި އެވެ.

އެކަމަކު ބަންދުން ދޫކޮށްލި ފަހުން ވެސް އާއްމުންގެ މެދުގައި މަގުބޫލް ސޯޝަލް މީޑިއާ ޕްލެޓްފޯމް، ޓިކްޓޮކްގައި ބަރަހަނާ ފޮޓޯއާ ވީޑިއޯ އާއްމުކުރަން ފެށުމުން މިދިޔަ މަހުގެ 31 ގައި ވެސް އޭނާ ހައްޔަރުކުރި އެވެ.

ނަމަވެސް، ބަންދުގެ މުއްދަތު އިތުރުނުކޮށް، ކޯޓުން އެ ފަހަރު އޭނާ ދޫކޮށްލީ އެވެ.

އެއީ ޓިކްޓޮކްގައި އަންހެނުން ހެދުން އަޅައިގެން، ވީޑިއޯތައް ހަދައި އާންމުކުރާ މީހެކެވެ.