އުރީދޫން މިހާރު އައިފޯނު 14 ޕްރީ އޯޑާ ކުރެވޭނެ

އެޕަލްގެ މިހާތަނަށް އެންމެ ކުރިއަރާފައިވާ ޓެކްނޮލޮޖީތަކާ އެކު އުފައްދާފައިވާ އައިފޯން 14 ޕްރޯ އާއި އައިފޯން 14 ޕްރޯ މެކްސް އުރީދޫގެ މޫލީ މެދުވެރިކޮށް ޕްރީ އޯޑާ ހުޅުވާލައިފި އެވެ.

އުރީދޫން ބުނީ އައިފޯނުގެ އެންމެ ފަހުގެ ދެ މޮޑެލް ފޯނު މިއަދުން ފެށިގެން ޕްރީ އޯޑާ ކުރެވޭނެ ކަމަށެވެ. ޕްރީ އޯޑާ ކުރުމަށް މޫލީ ވެބްސައިޓަށް ގޮސް، އެޕްލައި ކުރެވޭނެ އެވެ.

ޕްރީ އޯޑާ ކަސްޓަމަރުންނަށް، އޯޑަރު ކުރި އައިފޯން 14 ޕްރޯ އާއި އައިފޯން 14 ޕްރޯ މެކްސް މި މަހުގެ 23 އިން ފެށިގެން ލިބޭނެ އެވެ.

އުރީދޫން އަންނަނީ މޫލީ މެދުވެރިކޮށް، އެންމެ ފަހުގެ ފޯނާއި އެހެނިހެން ގެޖެޓްތައް ވިއްކަމުންނެވެ. އެގޮތުން ވޭތުވެދިޔަ ދުވަސްތަކުގައި ނުކުތް އައިޕޯނުގެ އެންމެ ފަހުގެ މޮޑެލްތަކާއި ސެމްސަންގްގެ މޮޑެލްތަކުގެ ފޯނު، އިންސްޓޯލްމެންޓް އުސޫލުން ވިއްކާފައިވެ އެވެ.