ވިލާ މާޓު ފިހާރަތަކުގެ ހިދުމަތް 24 ގަޑިއިރު ދޭން ފަށައިފި

ވިލާ މާޓު ފިހާރަތަކުގެ ހިދުމަތް 24 ގަޑިއިރަށް ބަދަލު ކޮށްފި އެވެ.

މިއީ، ކަސްޓަމަރުންނަށް ދެމުން އަންނަ ހިދުމަތްތައް އިތުރަށް ފުޅާކޮށް، ކަސްޓަމަރުންނަށް ލުއިފަސޭހަ ކޮށްދިނުމަށްޓަކައި ގެނައި ބަދަލެކެވެ. ވިލާ މާޓު 1، 2 އަދި 3 ވެސް 24 ގަޑިއިރު ހުޅުވާފައި ބަހައްޓަން ވަނީ ނިންމައިފަ އެވެ.

ވިލާ މާޓުން ބުނި ގޮތުގައި އެ ފިހާރަ އަކީ ކަސްޓަމަރުންނަށް އެކި ބްރޭންޑުތަކުގެ ގިނަ ކާބޯތަކެތި ވިއްކަމުންދާ ފިހާރައެކެވެ. އަދި ކަސްޓަމަރުންގެ ޑިމާންޑުތަކަށް ކޭޓާ ކުރުމަށް މަސައްކަތް ކުރަމުން އަންނަ ކަމަށާއި، އެ ފިހާރައިގެ އަމާޒަކީ ކަސްޓަމަރުންނަށް ލުއި ފަސޭހަ އިންތިޒާމުތަކެއް ހަމަޖައްސައި ދިނުން ކަމަށް ވެސް ބުންޏެވެ.

އޮންލައިންކޮށް ވިޔަފާރި ކުރެވޭ ގޮތަށް އެޕެއް ވަނީ ތައާރަފްކޮށްފަ އެވެ. ފިހާރައިން ލިބެން ހުރި ތަކެތީގެ މައުލޫމާތު ވެބްސައިޓް މެދުވެރިކޮށް ވެސް ބެލޭނެ އެވެ.

ވިލާ މާޓުން ކާބޯތަކެތީގެ އިތުރުން އެކި ކަހަލަ ކޮސްމެޓިކްސް އާއި ގެއަށް ބޭނުންވާ ތަކެތި ލިބެން ހުރެ އެވެ. ވިލާ މާޓުގެ ދެ ފިހާރަ މާލޭގައި ހުންނަ އިރު ތިން ވަނަ ފިހާރަ ހުންނަނީ ހުޅުމާލެ2 ގަ އެވެ.