އެލިއާ އަށް ބޯޓިން އެވޯޑްސްގެ މުހިންމު 3 އެވޯޑެއް

މިއަހަރުގެ ބޯޓިން އެވޯޑްސްގެ މުހިންމު ތިން އެވޯޑެއް އެލިއާ އިންވެސްޓްމަންޓާއި ޔަމަހާއަށް އަށް ލިބިއްޖެ އެވެ.

އެ ކުންފުންޏަށް ލިބިފައި ވަނީ އެންމެ މަގުބޫލު މެރިން އައުޓްބޯޑު އިންޖީނާއި، މެރީން އިންޖިނީއަރިން ސާވިސް ޕްރޮވައިޑާ އެވޯޑުގެ އިތުރުން އެންމެ ރަނގަޅު އާފްޓަ ސޭލްސް ސާވިސް ޕްރޮވައިޑާ އެވޯޑެވެ.

އެލިއާއިން ރާއްޖެއަށް ޔަމަހާ އައުޓްބޯޑު އިންޖީނުތަށް ތަޢާރަފުކޮށް، ފެންވަރު ރަނގަޅު އާފްޓާ ސޭލްސް ސާވިސްއެއް މެދުކެނޑުމެއްނެތި ފޯރުކޮށްދެމުންއަންނަތާ ވަނީ 48 އަހަރު ވެފަ އެވެ.

އެލިއާއިން ބުނި ގޮތުގައި ޔަމަހާގެ އައުޓްބޯޑު އިންޖީނުތަކަކީ ރާއްޖޭގެ ކަނޑުތަކުގައި ޓެސްޓުކޮށް ކަސްޓަމަރުންގެ އިތުބާރު ހޯދާފައިވާ އިންޖީނެކެވެ. އަދި އިންޖީނުގެ ސްޕެއާ ޕާޓުތައް އެ ކުންފުނީގެ ފިހާރަތަކުން ލިބޭނެ އެވެ. އިންޖީނަށް ދިމާވާ މައްސަލަތައް ހައްލުކޮށްދިނުމަށް ޖަޕާނުގެ ޓެކްނިކަލް އެކަޑަމީން ތަމްރީނުވެފައިވާ، ތަޖުރިބާކާރު ޔަމަހާގެ ސެޓިފައިޑް މެކޭނިކުން އެލިއާގައި މަސައްކަތްކުރެ އެވެ.

އެލިއާއިން ބުނި ގޮތުގައި އެ ކުންފުނީގެ އަމާޒަކީ، ރާއްޖޭގެ ހުރިހާ ކަންކޮޅުތަކަށްވެސް ފެންވަރު ރަނގަޅު އަދި އަވަސް މެރިން އައުޓްބޯޑު އިންޖިނިއަރިން ސާވިސް ފޯރުކޮށްދިނުމެވެ.

ބޯޓިން އެވޯޑަކީ ރާއްޖޭގެ މެރިން ދާއިރާގައި މަސައްކަތް ކޮށް ހިދުމަތްދޭ ފަރާތްތަކުގެ އަގު ވަޒަންކުރުމުގެ ގޮތުން 2016 ވަނަ އަހަރުން ފެށިގެން މޯލްޑިވްސް ބޯޓިން އެސޯސިއޭޝަނުން ދެމުން އަންނަ އެވޯޑެކެވެ.