ފުރަތަމަ ދެ މަހު 350،000 ޓޫރިސްޓުން

މި އަހަރުގެ ފުރަތަމަ ދެ މަހު ރާއްޖެއަށް އައި ޓޫރިސްޓުންގެ އަދަދު 350،000 އަށް އަރައިފި އެވެ.

ޓޫރިޒަމް މިނިސްޓްރީން އާންމުކުރި ތަފާސް ހިސަބުތަކުން އެނގޭ ގޮތުގައި ރާއްޖެއަށް އައި ޓޫރިސްޓުންގެ އަދަދު ވަނީ މިދިޔަ އަހަރުގެ މި މުއްދަތާ އަޅާބަލާއިރު 25 ޕަސެންޓު އިތުރުވެފަ އެވެ.

ވޭތުވެދިޔަ ދެ މަހު އެންމެ ގިނަ ޓޫރިސްޓުން އައީ ފެބްރުއަރީ މަހު އެވެ. އެ މަހު ރާއްޖެއަށް ވަނީ 177،000 ޓޫރިސްޓުން އައިސްފަ އެވެ. މިދިޔަ އަހަރުގެ ފެބްރުއަރީ މަހު ރާއްޖެއަށް އައިސްފައިވަނީ 149،000 ޓޫރިސްޓުންނެވެ. އަދި އެއަހަރުގެ ފުރަތަމަ ދެ މަހު ރާއްޖެއަށް އައީ 280،000 ޓޫރިސްޓުންނެވެ.

ރާއްޖެއަށް އަންނަ ޓޫރިސްޓުން އެހާ ބޮޑަށް އިތުރުވެފައިވަނީ ރަޝިއާ އާއި ޗައިނާ ފަދަ ގައުމުތަކުން އަނެއްކާ ވެސް ޓޫރިސްޓުން އަންނަން ފެށުމުންނެވެ.

ރާއްޖެއަށް އެންމެ ގިނަ ޓޫރިސްޓުން އައިސްފައިވަނީ ރަޝިއާއިެނެވެ. އެގައުމުން ވަނީ 44،000 ޓޫރިސްޓުން އައިސްފަ އެވެ. ދެވަނަ އަށް އެންމެ ގިނަ ޓޫރިސްޓުން އައީ އިންޑިއާ އިންނެވެ. އެގައުމުން 38،000 ޓޫރިސްޓުން އައި އިރު ތިން ވަނަ އަށް އެންމެ ޓޫރިސްޓުން އިނގިރޭސިވިލާތުން 32،000 ޓޫރިސްޓުން އައިސްފައިވެ އެވެ.

ރާއްޖެއަށް އެންމެ ގިނައިން ޓޫރިސްޓުން އަންނަ ގައުމުގެ ތެރޭގައި އިތުރަށް ހިމެނެނީ އިޓަލީ އާއި ފްރާންސް އާއި ޖަރުމަނާއި އެމެރިކާ އާއި ޕޮލެންޑް އާއި ސްވިޒަލޭންޑެވެ.

ވޭތުވެދިޔަ ދެ މަހު ވެސް ދުވާލަކު އެވްރެޖުކޮށް ރާއްޖެއަށް 6،000 ޓޫރިސްޓުން އާދެ އެވެ.

ސަރުކާރުގެ އަމާޒަކީ މިއަހަރު 1.8 މިލިއަން ޓޫރިސްޓުން ގެނައުމެވެ.