އއ. އުކުޅަސް ފަޅުގައި އަޅާފައި އޮތް ސަފާރީއަކުން އެ ރަށަށް ރާ ވިއްކާ ކަމުގެ ތުހުމަތުކޮށް ރޭ ދަންވަރުން ފެށިގެން އިހްތިޖާޖްކޮށް، ކައުންސިލް އިދާރާ ތެރެއަށް މިއަދު ބޮއްކުރައެއް ވައްދައިފި އެވެ.
11 މެއި 2023
އއ. އުކުޅަސް ފަޅުގައި އަޅާފައި އޮތް ސަފާރީއަކުން އެ ރަށަށް ރާ ވިއްކާ ކަމުގެ ތުހުމަތުކޮށް ރޭ ދަންވަރުން ފެށިގެން އިހްތިޖާޖްކޮށް، ކައުންސިލް އިދާރާ ތެރެއަށް މިއަދު ބޮއްކުރައެއް ވައްދައިފި އެވެ.
ގެސްޓް ހައުސް ވިޔަފާރި ފުޅާކޮށް ހިންގަމުން އަންނަ އުކުޅަހުގައި ރާ ވިއްކާ ކަމުގެ ތުހުމަތު ބައެއް މީހުން ކުރިން ވެސް ކުރި އެވެ. ކައުންސިލަށް ވެސް އެކަން ހުށަހެޅި އެވެ.
މި ފަހުން މައްސަލަ ގޯސްވީ ސަފާރީއަކުން ރަށަށް ރާ ވިއްކަމުންދާތީ އެކަން ހުއްޓުވައިދޭން އެދުމުން ވެސް ކައުންސިލުން އެކަށީގެންވާ އަޅާލުމެއް ނުލިބުނު ކަމަށް ތުހުމަތުކޮށެވެ. ނުރުހުންފާޅުކުރާ މީހުން ތުހުމަތުކުރާ ގޮތުގައި އެކަން ކުރަނީ ކައުންސިލަށް އެނގި ހުއްދަ ވެސް ލިބިގެންނެވެ.
މި މައްސަލާގައި ގިނަ ބަޔަކު ރޭ ދަންވަރު ކައުންސިލް އިދާރާ ތެރޭގައި އަޑުއުފުލި އެވެ. މައްސަލަ ހައްލުނުކުރަނީސް އެތަނުން ނުނިކުންނާނެ ކަމަށް ބުނުމަށް ފަހު، ހެނދުނު ވަނީ ކައުންސިލް އިދާރާއަށް ބޮއްކުރައެއް ވައްދައިފަ އެވެ. އޭގެތެރޭގައި ފުޅިތަކެއް ބަހައްޓައި ކައުންސިލުން އަމަލުކުރާ ގޮތާ މެދު ހިތްހަމަނުޖެހުން އޮތް ކަމުގެ މެސެޖް ވަނީ ދީފަ އެވެ.
އުކުޅަހު ބަނދަރުގައި ސަފާރީ އެޅުމުގެ ހުއްދަ ކައުންސިލުން ދިނީ، އެނގިފައިވާ ގޮތުގައި، މި މަހުގެ ދެވަނަ ދުވަހެވެ. އެ ހުއްދަދިނީ ސަފާރީ މަރާމާތުކުރަން ބޭނުންވެގެން ކައުންސިލަށް ހުށަހެޅުމުންނެވެ.
A sleepless night for citizens of Ukulhas. @UkulhasCouncil is showing resistance and trying to keep a Safari in the harbor. The safari is allegedly selling and smuggling illegal substances. It’s people vs authority. @axanner @DhiyaresNews @voicemv_eng pic.twitter.com/ly7uXkNCft
— shahilmueen (@shahilmueenn) May 10, 2023
އެ ސަފާރީން ރަށަށް ރާ ވިއްކާ ކަމުގެ ތުހުމަތުކުރަން ފެށުމުން، ކޯޓު އަމުރެއްގެ ދަށުން މިދިޔަ ހޯމަދުވަހު ފުލުހުން ވަނީ ސަފާރީ ބަލައި ފާސްކޮށްފަ އެވެ. އެކަމަކު މި މައްސަލާގައި ފުލުހުން ވާހަކައެއް ނުދެއްކި އެވެ.
އުކުޅަހު ކައުންސިލްގެ ރައީސް ޝައުކަތު އިބްރާހިމް ވެސް ވަނީ މި މައްސަލާގައި ވާހަކަ ދައްކަވަން ދެކޮޅު ހަދައިފަ އެވެ.
އޭނާ ވިދާޅުވީ އުކުޅަހާ ގުޅޭ ގޮތުން ބައެއް މީޑިއާތަކުން ދޮގު ހަބަރު ފަތުރާތީ އެއްވެސް ކޮމެންޓެއް ދޭން ބޭނުން ނުވާ ކަމަށެވެ.
ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި އެ ރަށުގެ ރައްޔިތުން ކައުންސިލް އިދާރާ ކައިރިއަށް އެއްވެ ދަނީ މުޒާހަރާ ކުރަމުންނެވެ.
އުކުޅަހު ކައުންސިލަށް އެ ރަށު ރައްޔިތުން ވަދެ އިހުތިޖާޖުކުރަނީ: އެ މީހުން ޑިމާންޑްކުރަނީ އެ ސަފާރީ ފަޅުތެރެއިން ނެރުމަށް.
އެނގިފައިވާ ގޮތުގައި، ފަޅު ތެރެއިން ސަފާރި ނެރުމަށް ރައްޔިތުން އެދެމުންދާތީ ކައުންސިލުން ވަނީ ފުލުހުންގެ އެހީތެރިކަމަށް އެދިފަ އެވެ. ގިނަ އަދަދެއްގެ ޓޫރިސްޓުން އުޅޭ އެ ރަށުގައި އިހްތިޖާޖްކުރަމުންދާތީ ފުލުހުން ވެސް އަންނަނީ ހަރަކާތްތެރިވަމުންނެވެ.
ޑްރަގާ އެކު ތިން މީހަކު ވިލިމާލެއިން ހައްޔަރުކޮށްފި
ހުޅުމާލޭން 14 ކިލޯގެ ޑްރަގާއެކު މީހަކު ހައްޔަރުކޮށްފި
ޑްރަގް އެތެރެކުރަން އުޅުނު 4 މީހުން ހައްޔަރު ކޮށްފި
ފަޅު ރަށަކުން ޑްރަގާއެކު ބަޔަކު ހައްޔަރުކޮށްފި
ޑްރަގް މައްސަލައެއްގައި ހަނިމާދޫން ދެމައިން ހައްޔަރަށް
ޑްރަގު މައްސަލައެއްގައި މީހަކު ހޯދަނީ
ފުވައްމުލަކު ޑްރަގު ނެޓްވޯކް އެއްކޮށްހެން ނައްތާލައިފި
ކިލޯއެއްގެ މަސްތުވާތަކެއްޗާ އެކު މީހަކު ހައްޔަރުކޮށްފި
ޔޮޓެއްގައި ޑްރަގްސް އެތެރެކުރަން އުޅުނު މީހުން ހައްޔަރު
ފުވައްމުލަކަށް ޑްރަގް އެތެރެކުރަންއުޅުނު މީހަކު ހައްޔަރު