ދިވެހި ބޭސް ކްލިނިކެއްގައި ހަށިވިއްކަނިކޮށް ހައްޔަރުކޮށްފި

ދިވެހި ބޭސް ކްލިނިކެއްގައި ހަށިވިއްކާ ކަމުގެ ތުހުމަތުގައި ބަޔަކު ހައްޔަރުކޮށްފި އެވެ.

ފުލުހުން މައުލޫމާތު ދިން ގޮތުގައި މާލޭގައި ހިންގާ ދިވެހި ބޭސް ކްލިނިކެއްގައި ހަށި ވިއްކާ ކަމުގެ ތުހުމަތުގައި ހައްޔަރުކޮށްފައިވަނީ ތިން ދިވެހިންނެވެ.

އެއީ 35 އަހަރުގެ އަންހެނަކާއި 44 އަހަރުގެ އަންހެނެއްގެ އިތުރުން 41 އަހަރުގެ ފިރިހެނެކެވެ.

މި ތިން މީހުން ހައްޔަރު ކޮށްފައިވަނީ ހަށި ވިއްކާ ކަމަށް ލިބުނު އިންޓެލިޖެންސް މައުލޫމާތަކާ ގުޅިގެން ފުލުހުން ހިންގި ހާއްސަ އޮޕަރޭޝަނެއްގައި ކަމަށް އެ އިދާރާއިން ބުންޏެވެ.