މާލެ ސިޓީ ކައުންސިލްގެ ދެ ގޮނޑި ޕީއެންސީއަށް، އެއް ގޮނޑި އެމްޑީޕީއަށް

މާލެ ސިޓީ ކައުންސިލުން ހުސްވެފައިވާ ތިން ގޮނޑިއަށް މެމްބަރުން އިންތިހާބު ކުރުމަށް މިއަދު ބޭއްވި ބައި-އިލެކްޝަން ސަރުކާރުގެ މައި ޕަޓީ ޕީއެންސީގެ ދެ ކެންޑިޑޭޓުންނާއި އެމްޑީޕީގެ އެއް ކެންޑިޑޭޓަކު ކާމިޔާބު ކުރައްވައިފި އެވެ.

މިއަދު އިންތިހާބު ބާއްވާފައި ވަނީ މާލޭ ސިޓި ކައުންސިލްގެ މާފަންނު ދެކުނާއި، މެދު ހެންވޭރު އަދި ސިޓީ ކައުންސިލުން އަންހެނުންނަށް ހާއްސަކޮށްފައިވާ ހެންވޭރު ދެކުނު ދާއިރާގެ މެމްބަރުން ސަރުކާރުގެ އެހެން މަގާމުތަކަށް އައްޔަން ކުރެއްވުމާ ގުޅިގެން އެ ގޮނޑިތައް ހުސްވުމުންނެވެ.

އިންތިހާބުގެ ވަގުތީ ނަތީޖާ މިރޭ އިއުލާން ކޮށްފައި ވާއިރު އީސީން ބުނީ ކައުންސިލްގެ ތިން ގޮނޑީގެ ތެރެއިން މެދު ހެންވޭރު ދާއިރާގެ ގޮނޑި އެމްޑީޕީގެ ކެންޑިޑޭޓް، އަހުމަދު ރިޝްވާން ކާމިޔާބު ކުރައްވާފައިވާ ކަމަށެވެ.

ހެންވޭރު ދެކުނު ދާއިރާގެ ގޮނޑި ޕީއެންސީގެ ކެންޑިޑޭޓް އައިމިނަތު ރިޝްފާ ކާމިޔާބު ކުރައްވާފައި ވާއިރު، މާފަންނު ދެކުނު ދާއިރާގެ ކައުންސިލްގެ ގޮނޑި ކާމިޔާބު ކުރެއްވީ ޕީއެންސީގެ ކެންޑިޑޭޓު ހަސަން ނިޒާމެވެ.

މާލެ ސިޓީ ކައުންސިލް މާފަންނު ދެކުނު ދާއިރާ

ކެންޑިޑޭޓް 1: މުހައްމަދު ރަފީއު (އަމިއްލަ ގޮތުން) 58 ވޯޓު

ކެންޑިޑޭޓް 2: ހަސަން ނިޒާމް (ކޮންގްރެސް ޕާޓީ) 383 ވޯޓު

ކެންޑިޑޭޓް 3: އަލީ އިސްހާގް (ދަ ޑިމޮކްރެޓްސް) 84 ވޯޓު

ކެންޑިޑޭޓް 4: އަހުމަދު އިމްރާން (އެމްޑީޕީ) 343 ވޯޓު

ކެންޑިޑޭޓް 5: މުހައްމަދު މައިޒަރު (އަމިއްލަ ގޮތުން) 215 ވޯޓު

ހެންވޭރު ދެކުނު ދާއިރާ: އަންހެނުންނަށް ހާއްސަ ކޮށްފައިވާ ގޮނޑިއެއް

ކެންޑިޑޭޓް 1: ހައްވާ ނިހްލާ (އެމްޑީޕީ) 308 ވޯޓު

ކެންޑިޑޭޓް 2: އައިމިނަތު ރިޝްފާ އަހުމަދު (ކޮންގްރެސް ޕާޓީ) 411 ވޯޓު

ކެންޑިޑޭޓް 3: އައިޝަތު އަފްނާން އަލީ (އަމިއްލަ ގޮތުން) 160 ވޯޓު

ކެންޑިޑޭޓް 4: އައިޝަތު ލީނާ (ދަ ޑިމޮކްރެޓްސް) 139 ވޯޓު

މާލެ ސިޓީ ކައުންސިލް، މެދުހެންވޭރު ދާއިރާ

ކެންޑިޑޭޓް 1: އަހުމަދު ރިޝްވާން ރަޝީދު (އެމްޑީޕީ) 320 ވޯޓު

ކެންޑިޑޭޓް 2: މުހައްމަދު ޒައިން ހަސަން (އަމިއްލަ ގޮތުން) 190 ވޯޓު

ކެންޑިޑޭޓް 3: ފާތިމަތު ޝައުފާ ސަލީމް (ކޮންގްރެސް ޕާޓީ) 305 ވޯޓު

ކެންޑިޑޭޓް 4: އަބްދުﷲ އަތޫފް (އަމިއްލަ ގޮތުން) 229 ވޯޓު

މާލޭ މޭޔަރު

ކެންޑިޑޭޓް 1: ޝުއައިބް އަލީ (އަމިއްލަ ގޮތުން) 125 ވޯޓު

ކެންޑިޑޭޓް 2: ހުސެން ވަހީދު (އަމިއްލަ ގޮތުން) 1888 ވޯޓު

ކެންޑިޑޭޓް 3: އައިޝަތު އާޒިމާ ޝަކޫރު (ޕީއެންސީ) 5،031 ވޯޓު

ކެންޑިޑޭޓް 4: އާދަމް އާޒިމް (އެމްޑީޕީ) 7621 ވޯޓު

ކެންޑިޑޭޓް 5: މުހައްމަދު ސައިފް ފާތިހް (ދަ ޑިމޮކްރެޓްސް) 2343 ވޯޓު

މާލެ ސިޓީ ކައުންސިލްގެ ބައި-އިލެކްޝަން އޮތީ މިއަދު ހެނދުނު 8:00 އިން ހަވީރު 5:00 އަށެވެ. މި އިންތިހާބުގައި ވޯޓުލުމުގެ ހައްގު 54،680 މީހަކަށް ލިބޭ ނަމަވެސް ވޯޓުލުމުގެ ވަގުތު ހަމަވިއިރު ވޯޓުލާފައި ވަނީ އެންމެ 17،000 އެއްހާ މީހުން ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ.