ކްލޮޕްގެ ވަދާއީ ލީގު ކަޕު، ޗެލްސީ ރޮއްވާލައި ޗެމްޕިއަންކަން ހޯދައިފި

ލަންޑަން (ފެބްރުއަރީ 26) – ފައިނަލުގައި އިތުރު ވަގުތުގެ ދެ ހާފުގެ އެންމެ ފަހު ވަގުތުގައި ވާޖިލް ވެންޑައިކް ބޮލުން ވައްދާލި ލަނޑުން ޗެލްސީ ރޮއްވާލުމަށް ފަހު، ލިވަޕޫލުން އިނގިރޭސި ލީގު ކަޕް ކާމިޔާބު ކޮށްފި އެވެ.

މި ލީގު ކަޕަކީ، މި ސީޒަނަށް ފަހު ޓީމު ދޫކޮށްލާ ކޯޗު ޔާގަން ކްލޮޕްގެ ވަދާއީ ލީގު ކަޕެވެ. މި ފެއާވެލްގައި އޭނާގެ ވަކިވުން އުފަލާ އެކު ނިންމާލަން ތައްޓާ އެކު ފުރުސަތު ލިބުނީ އެވެ. އަދި ޕްރިމިއާ ލީގުގެ ޗެމްޕިއަންކަން ހޯދުމުގެ ރޭހުގައި ވެސް ލިވަޕޫލް އޮތީ އެންމެ ކުރީގަ އެވެ.

މެޗުގެ ކުރިން ލިވަޕޫލްގެ ބައެއް ސަޕޯޓަރުން ރުޅި ގަދަވި އެވެ. މައްސަލަ ދިމާވީ ދަނޑަށް ވަނުމަށް ގެނެފައިވާ ޑިޖިޓަލް ޓިކެޓް މަސައްކަތް ނުކުރާތީ އެވެ. މައްސަލަ ހައްލުވަންދެން، ގިނަ އިރުތަކެއް ވަންދެން ސަޕޯޓަރުން ދަނޑު ބޭތުގައި ތިބެން ޖެހުނެނެވެ. އެކަމަކު މެޗުގެ 118 ވަނަ މިނެޓްގައި ވެންޑައިކް ބޮލުން ވައްދާލި ލަނޑުން ލިވަޕޫލަށް ތަށި ޔަގީން ވުމުން ސަޕޯޓަރުންގެ ހިތްހަމަނުޖެހުން ފިނި ވީ އެވެ.

މެޗުގެ 118 ވަނަ މިނެޓާ ހަމައަށް ދިޔަ އިރު ވެސް ކްލޮޕް ހުރީ ހަމަޖެހިލައިގެންނެވެ. އޭނާގެ ރަސްމީ ހިނިތުންވުން މެޗު ބަދަލުކޮށްލި މުހިންމު ކޯނަރު ނަގަން ދިޔައިރު ވެސް ސަޕޯޓަރުންނަށް ހާމަ ކުރަމުން ދިޔަ އެވެ.

އަނިޔާ މައްސަލަތަކާ ހެދި، އޭނާގެ މުހިންމު ކުޅުންތެރިން އެކަހެރިކޮށްފަ އެވެ. އެ ކުޅުންތެރިންގެ މަގާމު ފޫބައްދަން ކްލޮޕް ވަނީ ތަޖުރިބާ މަދު ޒުވާން ކުޅުންތެރިންތަކެއް މެޗަށް ތައާރަފުކޮށްފަ އެވެ. އިތުރު ވަގުތުގެ ދެ ހާފުގައި އެންމެ ނުރައްކާ ކޮށް ފެނުނީ ލިވަޕޫލްގެ އެ ޓީމެވެ.

ހާއްސަކޮށް ތަޖުރިބާމަދު ކީޕަރު ކްއިމިން ކެލްހާ ވަނީ ރަނގަޅު ސޭވްތަކެއް ކޮށްފަ އެވެ. ރަހީމް ސްޓާލިން އާއި ކޯނޯ ގަލްގާ ފޮނުވާލި ބޯޅަތައް ވެސް ދިފާއު ކުރި އެވެ. މެޗުގެ އެންމެ ފަހު މިނެޓްގައި ޗެލްސީގެ ކުޅުންތެރިން އުފެއްދި ފުރުސަތުތައް ވެސް އޭނާ ހުއްޓުވައިފަ އެވެ.