ބޯޑޯ އާއެކު އެންޑީ ކެރޯލް ފްރާންސްގެ ހަތަރު ވަނަ ޑިވިޝަނުގައި

ބޯޑޯ (އޮކްޓޫބަރު 6) - އިންގްލެންޑުގެ ގައުމީ ޓީމުގެ ކުރީގެ ފޯވާޑް އެންޑީ ކެރޯލް، 35، ބަނގުރޫޓުވުމުން، ފައިސާ ހޯދުމަށް ފްރާންސްގެ ހަތަރު ވަނަ ޑިވިޝަނުގެ ބޯޑޯއާ ގުޅި، ޓީމަށް އުއްމީދު ހޯދައިދީފި އެވެ.

ރޭ އޮލިމްޕިކް ސޯމާއާ ވާދަކޮށް 2-1 އިން ބޯޑޯ ލީގުގައި ހޯދި ފުރަތަމަ މޮޅު ހޯދި މެޗުގައި އެޓީމުން ޖެހި ދެ ގޯލު ވެސް ޖަހައިދިނީ އޭނާ އެވެ.

ކުރިން ނިއުކާސަލް އުނައިޓެޑާއި ލިވަޕޫލް އަދި ވެސްޓް ހޭމް ޔުނައިޓެޑަށް ވެސް ކުޅުނު ސްޓްރައިކަރު އެންމެ ފަހުން ޕްރިމިއާ ލީގުގައި ކުޅުނީ 2021 ވަނަ އަހަރެވެ. އޭނާ ފްރާންސް އަށް ބަދަލުވީ ދެ ވަނަ އިނގިރޭސި ދެ ވަނަ ޑިވިޝަންގައި ރެޑިން އާއި ވެސްޓް ބޮރޮމިޗް އަލްބިއޮން އަށް ކުޅެފަ އެވެ.

ނިއުކާސަލްގައި ކެރިއަރުގެ ކުރީކޮޅު ދެއްކި މޮޅު ކުޅުމާ އެކު އިންގްލެންޑްގެ ގައުމީ ޓީމުން ޖާގަ ހޯދި ކެރޯލް ވަނީ ގައުމީ ޓީމަށް ނުވަ މެޗު ކުޅެދީ ދެ ގޯލު ޖަހައިދީފަ އެވެ. ކެރިއަރުގެ ކުރީކޮޅު އޭނާ އަށް ވަނީ އަނިޔާގެ ގިނަ މައްސަލަތަކެއް ކުރިމަތިވެފަ އެވެ.

މިދިޔަ ސީޒަންގައި ފްރާންސްގެ ތިން ވަނަ ޑިވިޝަންގެ އަމިއެންސް އަށް ކުޅުމަށް ފަހު ކެރޯލް، ފްރާންސްގެ އެއް ވަނަ ޑިވިޝަންގެ ޗެމްޕިއަންކަން ހަ ފަހަރު ހޯދާފައިވާ ބޯޑޯއާ ގުޅުނީ މިދިޔަ މަހު އެވެ. ހަތަރު ވަނަ ޑިވިޝަނުގައި އޭނާ ބޯޑޯ އަށް ކުޅެނީ މަހަކު 3،500 ޔޫރޯގެ މުސާރައަކަށެވެ.

ކެރޯލް ވަނީ ބޯޑޯ އަށް މިހާތަނަށް ކުޅެދިން ދެ މެޗުން ހަތަރު ގޯލު ޖަހައިދީފަ އެވެ. އޭނާ ވަނީ އެ ޓީމަށް ކުޅެދިން ފުރަތަމަ މެޗުގައި ވެސް ފަހު ވަގުތު ދެ ގޯލު ޖަހައިދީ 2-2 އިން އެއްވަރު ކޮށްދީފަ އެވެ.

ބޯޑޯ ވަނީ ފްރާންސް އެފްއޭ ކަޕްގައި ސުދުރޭ އޯކާން އަތުން 5-0 އިން މޮޅުވެ، ފަސް ވަނަ ބުރުން ޖާގަ ހޯދައިފަ އެވެ.