ދިރާގުގެ "ލިމިޓްލެސް" ޕެކޭޖް ހިޔާރުކޮށްގެން ލޯންޗް ހޯދުމުގެ ފުރުސަތު

ދިރާގު ޕޯސްޓްޕެއިޑް ކަސްޓަމަރުން "ލިމިޓްލެސް" ޕެކޭޖް އެކްޓިވޭޓް ކުރުމުން، ދިރާގުގެ "ވިން އަ ސްޕީޑް ބޯޓު" ޕްރޮމޯޝަނުގައި ބައިވެރިވެވޭނެ ކަމަށް ދިރާގުން ބުނެފި އެވެ.

ދިރާގުން ޕޯސްޓެއިޑް ކަސްޓަމަރުންނަށް "ލިމިޓްލެސް" ޕެކޭޖުތަކެއްގެ ގޮތުގައި ތައާރަފްކޮށްފައި ވަނީ ޕޯސްޓްޕެއިޑް 1000 އަދި ޕޯސްޓްޕެއިޑް 1700 ޕެކޭޖެވެ. މި ދެ ޕެކޭޖުން ވެސް ލިމިޓެއް ނެތި ސޯޝަލް މީޑިއާ ޑޭޓާ އާއި ހިލޭ އެސްއެމްއެސް ލިބުމުގެ އިތުރުން ލޯކަލް ނެޓްވޯކުތަކަށް ވެސް ހިލޭ ގުޅޭނެ އެވެ.

ޕޯސްޓްޕެއިޑް 1000 އަށް ލިބޭނީ 60 ޖީބީ ކޯ ޑޭޓާ އެވެ. އަދި ޕޯސްޓްޕެއިޑް 1700 އަށް ލިބޭނީ 200 ޖީބީގެ ކޯ ޑޭޓާ އެވެ. ދިރާގު އެޕް މެދުވެރިކޮށް މި ޕެކޭޖުތައް އެކްޓިވޭޓު ކުރެވޭނެ އެވެ.

މި ޕެކޭޖުތަކަށް އަޕްގްރޭޑް ކުރާ ކަސްޓަމަރުން "ވިން އަ ސްޕީޑްބޯޓު" ޕްރޮމޯޝަނުގައި ބައިވެރިވުމަށް އެކަމަށް ހާއްސަ ކުރެވިފައިވާ ލިންކަށް ވަދެ އެންރޯލްކުރަން ޖެހޭނެ އެވެ. އަދި މި މަހުގެ ނިޔަލަށް އެންރޯލްކުރާ ކަސްޓަމަރުންނަށް ލޯންޗު ލިބުމުގެ ފުރުސަތު ދެ ގުނަ ބޮޑުވާނެ ކަމަށް ވެސް ދިރާގުން ބުންޏެވެ.

ދިރާގުގެ "ވިން އަ ސްޕީޑްބޯޓު" ޕްރޮމޯޝަން ކުރިއަށް ދާނީ ޑިސެމްބަރު 16 ވަނަ ދުވަހުގެ ނިޔަލަށެވެ. މި ޕްރޮމޯޝަނުގައި ދޭ ލޯންޗަކީ އަލްޝާލީ މެރިންއިން ފަރުމާކޮށް ޔަމަހާ އިންޖީނު އަޅާފައިވާ 1.6 މިލިއަނެއްހާ ރުފިޔާގެ އަގުހުރި ލޯންޗެކެވެ. އެ ލޯންޗަކީ ރައްޓެހިންނާއި އާއިލާތަކުން ދަތުރު ދިއުމަށާއި މަހަށް ދިއުމަށް އެކަށީގެންވާ 12 މީހުންގެ ޖާގައިގެ އަދި 32 ފޫޓުގެ ލޯންޗެކެވެ.