ހުޅުމާލެއިން ހިތްފަސޭހަ ދިރިއުޅުމަކަށް އަކުއާ ވީޓާގެ އެޕާޓްމަންޓެއް

ހުޅުމާލޭގެ ހިތްފަސޭހަ މާހައުލުން ލަގްޒަރީ އެޕާޓްމަންޓެއްގެ ހިތްގައިމު ކަމަށް އެދޭ ނަމަ އަކުއާ ވިޓާގެ އެޕާޓްމަންޓުތަކަކީ އެކަމަށް އެންމެ އެކަށީގެންވާނެ އެއް ތަނެވެ. އިމާރާތުގެ ސަލާމަތާއި ރައްކާތެރި ކަމަށް ގިނަ ފިޔަވަޅުތަކެއް އަޅާފައިވާ މި އިމާރާތުގެ ކޮންމެ އެޕާޓްމަންޓަކީ ވެސް ޖާގަ ތަނަވަސް, އެންމެ ފަހުގެ ސްޓައިލިޝް ޑިޒައިންތަކަށް ބަލައިގެން ފަރުމާ ކޮށްފައިވާ އެޕާޓްމަންޓްތަކެކެވެ. އަދި މި ތަނަކީ އެޕާޓްމަންޓުގެ ތެރޭގައި ހިތްހަމަޖެހުމާއެކު އާއިލާއާ އެކު ވަގުތު ހޭދަކޮށްލާނެ ޕޫލަކާއި ބޮޑު ރޫފް ޓޮޕެއް ހިމެނޭ ތަނެކެވެ. އަދި ދުޅަހެޔޮ ކަމަށް ކަސްރަތު ކުރާނެ ރަނގަޅު ފެންވަރުގެ ޖިމެއް ވެސް މި ތަނުގައި ހުރެ އެވެ.

މި ތަނުގެ އެޕާޓްމަންޓްތައް ހޯދުމުގައި މާކެޓުގައި ވާދަވެރިކަން ބޮޑީ މިހެންވެ އެވެ. މި ތަނުގެ ގިނަ އެޕާޓްމަންޓުތައް މިހާރު ވިކިފައިވާއިރު ބާކީ ހުރީ އެއް ޕެންޓް ހައުސް އާއި 3 ޑުޕްލެކްސް ޕެންޓްހައުސާއި 1+2 ބެޑްރޫމްގެ ހަ އެޕާޓްމަންޓެކެވެ. މި އެޕާޓްމަންޓްތަކަކީ ވަގުތުން އެތަނަށް ބަދަލުވެވޭ މިންވަރަށް ސެމީ ފާނިޝްޑް ކޮށްފައި ހުރި ތަންތަނެވެ. މިހާރު ވިއްކަން ހުރި ޔުނިޓްތަކުގެ އެންމެ ކުޑަ އަގަކީ 6.2 މިލިޔަން ރުފިޔާއެވެ.

އާއްމުކޮށް ހުންނަ އެޕާޓްމަންޓުތަކާއި ހިލާފަށް މި ތަނުގެ އެޕާޓްމަންޓުތަކުގައި ވަނީ ހޫނުމިން އިހުސާސް ކުރެވޭ މިންވަރު ކުޑަކުރުމުގެ ގޮތުން ޑަބަލް ގްލޭޒްޑް ކޮށްފައިވާ ކުޑަދޮރުތައް ބޭނުން ކޮށްފަ އެވެ. އަދި މިތަނަކީ ރާއްޖޭގައި ފުރަތަމަ ފަހަރަށް ސެންޓްރަލައިޒްޑް ގޭސް ސިސްޓަމެއް ގާއިމް ކޮށްފައިވާ އެޕާޓްމަންޓް ކޮމްޕްލެކްސް އެވެ.

އަކުއާ ވީޓާގެ އެޕާޓްމަންޓްތަކަކީ ސޮލިޑް ޓިމްބަ ވުޑް ފުލޯރިން އަޅާފައިވާ އެޕާޓްމެންޓްތަކެކެވެ. މި ތަނުގެ ބަދިގޭގައި ބޭނުން ކޮށްފައިވަނީ އިޓަލީގެ ލަގްޒަރީ ބްރޭންޑެއް ކަމަށްވާ ކަމަގްނީ ބްރޭންޑުގެ ވާޑްރޮބާއި ކަބަޑް ސެޓެވެ.

ޖާގަ ތަނަވަސް ސިޓިން ރޫމު ހިމެނޭ އެޕާޓްމަންޓުތައް ފަރުމާކޮށްފައި ވަނީ ފުރިހަމަ އަށް ވެންޓިލޭޝަން ލިބޭ ގޮތަށެވެ.

އަކުއާ ވީޓާ އަކީ އެންޕީއެޗް އިންވެސްޓްމެންޓްސް ޕްރައިވެޓް ލިމިޓެޑާއި ސްރީލަންކާގެ އަޔެންކާ ހޯލްޑިންގްސް ޕްރައިވެޓް ލިމިޓެޑް ގުޅިގެން ޖޮއިންޓް ވެންޗާ ކުންފުނިން ހަދާފައިވާ 98 އެޕާޓްމަންޓް ހިމެނޭ އިމާރާތެކެވެ.

މި އެޕާޓްމަންޓުތަކުގެ މައުލޫމާތު 7395554/7631385 އިންނާއި އަކުއަ ވީޓާގެ ވެބްސައިޓުން ލިބޭނެ އެވެ.

ނޯޓު: މިއީ އަކުއާ ވީޓާގެ އެޑްވަޓޯރިއަލް އާޓިކަލްއެކެވެ.