އުރީދޫ ޕްރޮމޯޝަންގައި 8 މީހަކަށް ސައިކަލު ދީފި، ޕްރޮމޯޝަން ޑިސެމްބަރުގެ ނިޔަލަށް

އުރީދޫން މިހާރު ކުރިއަށް ގެންދާ ކޮންމެ ތިން ދުވަހަކުން ސައިކަލެއް ދޭ ޕްރޮމޯޝަނުގައި ޖުމްލަ 8 ނަސީބުވެރިން ހޮވައި ސައިކަލު ހަވާލުކޮށްފި އެވެ.

މި ޕްރޮމޯޝަނުގައި 30 ދުވަހުގެ ތެރޭގައި 250 ރުފިޔާއަށް ވުރެ މަތިން ބިލް ދައްކައި ރީޗާޖުކޮށް އެޑްއޮން އެއް ބޭނުންކުރާ ކަސްޓަމަރުންނާއި އަލަށް ގުޅޭ ކަސްޓަމަރުންގެ ތެރެއިން ހިދުމަތް ބޭނުންކުރުމަށް 400ރ. އިން މަތިން ބިލް ދައްކައި ރީޗާޖު ކޮށް ނުވަތަ އެޑް އޮން އެއް ބޭނުންކުރާ ކަސްޓަމަރުންނަށް ބައިވެރިވެވޭނެ އެވެ.

ޑިސެމްބަރު މަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގައި 22 ނަސީބުވެރިންގެ ގުރުއަތު ކުރިއަށް އޮތް ކަމަށް އުރީދޫން ބުންޏެވެ.

މި ޕްރޮމޯޝަނުގެ ގްރޭންޑް ޕްރައިޒަކަށް ހުށަހަޅާފައި ވަނީ 2024 ވަނަ އަހަރުގެ ރެބެލް 300 (ކަޅު) ސައިކަލެކެވެ. ޕްރޮމޯޝަނުގައި ކޮންމެ ތިން ދުވަހަކު ދެނީ އެއާ ބްލޭޑް 125 - ސްޓޭންޑާޑް އެޑިޝަން (ރަތް ކުލަ) އާއި އެއާ ބްލޭޑް 160 - ސްޓޭންޑާޑް އެޑިޝަން (ރަތް ކުލަ) އަދި ޕީސީއެކްސް 160 ކަޅު ކުލައިގެ ސައިކަލެކެވެ.

މި ޕްރޮމޯޝަނަކީ ރާއްޖޭގެ ބޮޑު ބަޔަކަށް 5ޖީ ހިދުމަތް ދިނުން ފާހަގަކުރުމުގެ ގޮތުން އުރީދޫން ފެށި ޕްރޮމޯޝަނެކެވެ.