ޖަޕާން ބަލިކޮށް ރާއްޖޭން ސެމީ ފައިނަލުގެ އުއްމީދު ދަމަހައްޓައިފި

އިންޑިއާގައި މިހާރު ކުރިއަށްދާ އޭޝިއާގެ ނެޓްބޯޅަ މުބާރާތުގައި ޖަޕާނުގެ މައްޗަށް ކާމިޔާބު ހޯދައި ސެމީ ފައިނަލަށް ދިއުމުގެ އުއްމީދު ރާއްޖޭން ދަމަހައްޓައިފި އެވެ.

ބެންގަލޫރުގެ ކޮރާމަންގާލާ އިންޑޯ ސްޓޭޑިއަމްގައި މިއަދު ކުޅުނު މެޗު ކާމިޔާބު ކުރީ 36 ޕޮއިންޓްގެ ބޮޑު ތަފާތަކުންނެވެ.

މެޗު ފެށިގެން ރާއްޖޭން ލީޑް ދެމެހެއްޓި އެވެ. ހަތަރު ކުއާޓާ ނިމުނު އިރު ރާއްޖޭން 64 ޕޮއިންޓް ހޯދި އެވެ. ޖަޕާނަށް ހޯދުނީ 24 ޕޮއިންޓެވެ.

މުބާރާތުގައި ރާއްޖޭން މިހާތަނަށް ކުޅުނު ފަސް މެޗުގެ ތެރެއިން ތިން މެޗުން ވަނީ މޮޅުވެފަ އެވެ. ދިވެހި ޓީމު ބަލިވީ ފިލިޕީންސާއި މެލޭޝިއާ އަތުންނެވެ. އިއްޔެ ފިލިޕީންސް އަތުން ބަލިވީ 56-48 ންނެވެ.

މުބާރާތުގެ ސެމީ ފައިނަލަށް ދާނީ ކޮންމެ ގުރޫޕަކުން ވެސް ގަދަ ދެ ޓީމެވެ.

މިއަދު ޖަޕާނާ ދެކޮޅަށް ކުޅުނު މެޗުގެ އިތުރުން ދެން ރާއްޖޭޏް މޮޅުވީ މުބާރާތް ބާއްވާ ގައުމު އިންޑިއާ އަދި ސައުދީ އަރަބިއާ އަތުންނެވެ.