06 މާޗް 2017
ވޮޝިންޓަން (މާޗް 6) - ރިޔާސީ އިންތިޚާބުގެ ތެރޭގައި ފޯނު ކޯލު އަޑު އެހުމަށް ރައީސް ބަރަކް އޮބާމާ އެންގެވި ކަމަށް ވިދާޅުވެ ރައީސް ޑޮނަލްޑް ޓްރަމް ކުރެއްވި ތުހުމަތަށް އެފްބީއައި އިން ދެކޮޅު ހަދައިފި ކަމަށް އެމެރިކާގެ މީޑިއާތަކުން ބުނެފި އެވެ.
ވޮޝިންޓަން (މާޗް 6) - ރިޔާސީ އިންތިޚާބުގެ ތެރޭގައި ފޯނު ކޯލު އަޑު އެހުމަށް ރައީސް ބަރަކް އޮބާމާ އެންގެވި ކަމަށް ވިދާޅުވެ ރައީސް ޑޮނަލްޑް ޓްރަމް ކުރެއްވި ތުހުމަތަށް އެފްބީއައި އިން ދެކޮޅު ހަދައިފި ކަމަށް އެމެރިކާގެ މީޑިއާތަކުން ބުނެފި އެވެ.
އެފްބީއައިގެ ޑިރެކްޓަރު ޖޭމްސް ކޯމޭ ވަނީ ޓްރަމްޕުގެ ތުހުމަތުތަކާ ދެކޮޅު ހެދުމަށް ޖަސްޓިސް ޑިޕާޓްމަންޓުގައި އެދިފައިވާ ކަމަށް ވެސް ނިއު ޔޯކް ޓައިމްސް އިން ބުނެފައިވެ އެވެ. މި ގޮތަށް އެދިފައި ވަނީ މި ތުހުމަތާ ގުޅޭ ގޮތުން އެފްބީއައި އިން ފާޅުގައި ވާހަކަ ނުދެއްކޭނެތީ އެކަން ކުރަން އެންމެ އެކަށީގެން ވަނީ ޖަސްޓިސް ޑިޕާޓްމަންޓުން ކަމަށްވާތީ އެވެ. ނަމަވެސް އެފްބީއައި އިން އެގޮތަށް އެދުނު ނަމަވެސް ޖަސްޓިސް ޑިޕާޓްމަންޓުން އަދި އެއްވެސް ބަޔާނެއް ނެރެފައެއް ނުވެ އެވެ. އެފްބީއައިގެ ބައެއް ފަރާތްތަކާ ހަވާލާދީ ނިއު ޔޯކް ޓައިމްސް އިން ބުނެފައި ވަނީ ފޯނު އަޑު އެހުމަކީ އެމެރިކާގައި މަނާކަމެއް ކަމަށާއި ރައީސަކަށް ހުންނަ މީހަކަށް އެކަން ނުކުރެވޭނެ ކަމަށެވެ. އަދި ފޯނެއް އަޑު އެހުމުގެ ކުރިން އެކަމަށް ކޯޓު އަމުރެއް ބޭނުންވާނެ ކަމަށް ވެސް ބުނެފައިވެ އެވެ.
އޮފިޝަލުންނާ ހަވާލާދީ މީޑިއާތަކުން ބުނެފައި ވަނީ ޓްރަމްޕުގެ ތުހުމަތުގައި އެއްވެސް ހެއްކެއް ނެތް ކަމަށް ކޯމޭ ގަބޫލް ކުރާ ކަމަށެވެ.
އެފްބީއައިގެ ޑިރެކްޓަރު ޖޭމްސް ކޯމޭ: އޮބާމާއާ ބެހޭ ގޮތުން ޓްރަމްޕް ކުރެއްވި ތުހުމަތުތަކާ ދެކޮޅު ހެއްދެވި. --ފޮޓޯ:އޭއެފްޕީ
އިންތިޚާބުގެ ތެރޭގައި ފޯނު ކޯލް އަޑު އެހުމަށް އޮބާމާ އެންގެވި ކަމަށް ޓްރަމްޕް ވިދާޅުވި ނަމަވެސް އެއްވެސް ހެއްކެއް ދައްކަވައިފައެއް ނުވެ އެވެ. ޓްރަމްޕް ވަނީ މި ތުހުމަތުތައް ތަހުގީގު ކުރުމަށް ކޮންގްރެސްގައި އެދިވަޑައިގެންފަ އެވެ. ކޮންގްރެސް އާއި އެފްބީއައި އިން މިހާރު ދަނީ އެމެރިކާގެ އިންތިޚާބަށް ރަޝިޔާ އިން ނުފޫޒު ފޯރުވާފައިވާ ކަމަށް ބުނާ މައްސަލަ ތަހުގީގު ކުރަމުންނެވެ.
ޑިމޮކްރެޓިކް ޕާޓީގެ އޮފިޝަލުން ބުނަމުން ދަނީ އޮބާމާއާ ބެހޭ ގޮތުން ޓްރަމްޕް މި ބާވަތުގެ ތުހުމަތުތައް ކުރައްވަމުން ގެންދަވަނީ ރިޔާސީ އިންތިޚާބަށް ރަޝިޔާ އިން ނުފޫޒު ފޯރުވާފައިވާ ކަމަށް ބުނާ މައްސަލައިގެ ސަމާލުކަން އަނބުރާލުމަށް ކަމަށެވެ.
އޮބާމާގެ ތަރުޖަމާން ކެވިން ލުއިސް ވިދާޅުވީ އޮބާމާ ނުވަތަ ވައިޓްހައުސްގެ އެއްވެސް ސްޓާފަކު ވެސް، އެމެރިކާގެ އެއްވެސް ރައްޔިތަކަށް ފާރަލުމަށް އަންގަވާފައި ނުވާ ކަމަށެވެ. އަދި މިނިވަން އެއްވެސް މުއައްސަސާއަކަށް އޮބާމާގެ ސަރުކާރުން ނުފޫޒު ފޯރުވާފައި ނުވާނެ ކަމަށް އޭނާ ވިދާޅުވި އެވެ.
އެމެރިކާގެ އިންތިޚާބުގެ ދުވަސްވަރު ނޭޝަނަލް އިންޓެލިޖެންސްގެ ޑިރެކްޓަރު ޖޭމްސް ކްލެޕާ ވެސް ވަނީ ފޯނު އަޑުއެހިމަށް ޓްރަމްޕް ދައްކަވާ ވާހަކަތައް ދޮގު ކުރައްވައިފަ އެވެ. އެންބީސީގައި އޭނާ ވިދާޅުވީ ނިއު ޔޯކުގެ ޓްރަމްޕް ޓަވަރުގެ ފޯނުތައް އަޑު އަހަން ކޯޓު އަމުރެއް އޮތްކަން އެނގިވަޑައިގެންފައި ނުވާ ކަމަށެވެ.
ފޯނު އަޑުއެހުމާ ގުޅޭ ގޮތުން އެފްބީއައިއާ މަޝްވަރާއެއް ނުކުރޭ
އެފްބީއައިގެ ވެރިޔާ އަށް އޮބާމާ ވެސް ފާޑުވިދާޅުވެއްޖެ
ޓްރަމްޕަށް ހަމަލާދިން ސަބަބާއި ރޭވި ބަޔަކު ވެސް ނޭނގެ
ބައިޑެން، އޮބާމާ، ޓްރަމްޕު ވެސް ކެމްޕޭންގައި
ބައިޑެންއަކީ ގައުމުގެ އަދުއްވެއް: ޓްރަމްޕު
ޓްރަމްޕުގެ މާރް އާ ލޯގޯ ރިސޯޓް ބަލައި ފާސްކޮށްފި
އޮބާމާ އާއި ޓްރަމްޕްގެ މައްސަލަ ބެލި ގާޒީ ރާއްޖޭގައި
މިއީ ޓްރަމްޕް ފޮށި ބަންދުކޮށް ގެއަށް ދާންޖެހޭ ވަގުތު
"ކޮވިޑުގެ މީޑިއާ ކަވަރޭޖާ މެދު ޓްރަމްޕް ހަސަދަވެރިވޭ"
ޓްރަމްޕް ދެވަނަ ދައުރެއް ހޯއްދަވަނީ އަމިއްލަ ފައިދާއަށް