އެސްއެމްއީތަކަކީ އިގްތިސާދު ކުރިއެރުމަށް މުހިއްމު ބާރެއް: ނައިބު ރައީސް

ކުދި އަދި މެދުފަންތީގެ ވިޔަފާރިތަކުގެ އީޖާދީ ހިޔާލުތަކަކީ އިގްތިސާދު ކުރިއަށް ގެންދިއުމުގެ އެންމެ މުހިއްމު ބާރު ކަމަށް ނައިބު ރައީސް ހުސައިން މުހައްމަދު ލަތީފު ރޭ ވިދާޅުވެއްޖެ އެވެ.

ބިޒްނަސް ސެންޓަ ކޯޕަރޭޝަން (ބީސީސީ) އިން ތައާރަފް ކުރި، ކުދި އަދި މެދުފަންތީގެ ވިޔަފާރިތަކަށް ހާއްސަކޮށް ދޭ "މޯލްޑިވްސް އެމްއެސްއެމްއީ އެވޯޑްސް" ހަފްލާގައި ނައިބު ރައީސް ހުސައިން ވިދާޅުވީ، ފަންނީ ގޮތުން ކުރިއަަރަމުން އަންނަ ޒަމާނެއްގައި ޑިޖިޓަލް އާ ގޮތްތަކާއި އުކުޅުތައް ދަސްކޮށް، އެކަންކަން ރާއްޖެ އަށް ގެންނަން ޖެހޭ ކަމަށެވެ.

އެ މަނިކުފާނުގެ ވިދާޅުވީ މި ސަރުކާރުގެ ގައުމީ ތަރައްގީގެ އެންމެ މުހިއްމު އެއް ސިޔާސަަކީ އީޖާދީ އިގްތިސާދެއް ބިނާ ކުރުން ކަމަށެވެ.

"މި އިގްތިސާދުގެ އެންމެ މައި މަސައްކަތްތަކަށް ދިރުން ހުރި ހިދުމަތުގެ ސޮފްހާތަކުން ބޮޑުބައެއް ލިޔެވެމުން އަންނަނީ އެންމެ ކުދި އަދި މެދުފަންތީގެ ވިޔަފާރިތަކުގެ މައްޗަށް،" ނައިބު ރައީސް ވިދާޅުވި އެވެ.

އެ މަނިކުފާނު ވިދާޅުވީ، މި ސަރުކާރަށް އެއް އަހަރު ފުރުނުއިރު، އެއް އަހަރުގައި ރާއްޖެ އަށް މުހިއްމު ދާއިރާތަކުން ތަރައްގީ ގެނެސްފައިވާ ކަމަށެވެ. ހުސެއިން ވިދާޅުވީ، ވިޔަފާރިތަކަށް ފަހި މާހައުލެއް ގާއިމްކުރުމަށް ގާނޫނީ ގޮތުން މުހިއްމު ބަދަލުތަކެއް ވެސް ގެންނަން ޖެހޭ ކަމަށެވެ.

ކުދި އަދި މެދުފަންތީގެ ވިޔަފާރިތައް ކުރިއަރުވާއި އެ ވިޔަފާރިވެރިންގެ ގާބިލުކުރަން އިތުރު ކުރުމަށް ވެސް އެހީތެރިކަން އިތުރަށް ފޯރުކޮށްދޭން ޖެހޭ ކަމަށް އެމަނިފަނުފާނު ވިދާޅުވި އެވެ.

"މޯލްޑިވްސް އެމްއެސްއެމްއީ އެވޯޑްސް 2025" އިފްތިތާހު ކުރިއިރު އެ އެވޯޑު ދޭން ފަށާނީ އަންނަ އަހަރު އެވެ. އެވޯޑުގެ މަގުސަދަކީ، ރާއްޖޭގެ އިގްތިސާދު ޑައިވާސިފައިކޮށް، ދެމެހެއްޓެނިވި ތަރައްގީއެއް ހާސިލުކުރުމުގައި ވިޔަފާރިވެރިން އަދާކުރަމުންދާ ދައުރު ފާހަގަކުރުމެވެ. އަދި ގައުމީ އަދި ބައިނަލްއަގުވާމީ ފެންވަރުގައި ވިޔަފާރިތަކުން ހޯދާ ކަމިޔާބީތައް ފާހަގަކުރުމާ އެކު، ގައުމުގެ އުފެއްދުންތެރިކަމާއި ހުނަރުވެރިކަން ކުރިއެރުވުމަށް ހިތްވަރުދީ، ރާއްޖޭގެ ވިޔަފާރިތަކާއި މަސައްކަތްތެރިކަމާއި ހުނަރުވެރިކަން ކުރިއެރުވުމެވެ.

"މޯލްޑިވްސް އެމްއެސްއެމްއީ އެވޯޑްސް 2025" އަށް ކުރިމަތިލުމުގެ ފުރުސަތު ހުޅުވާނީ އަންނަ މަހުގެ 1 ގަ އެވެ.