މިއަދު ހަވީރު މާލޭގައި "ދިރާގު ގުޑި ފެސްޓް" ބާއްވަނީ

ދިރާގުން މި ފަހަރުގެ ރޯދަމަހާ ގުޅުވައިގެން "ގުޑި ފެސްޓު"ގެ ފުރަތަމަ ހަރަކާތް މިއަދު ބާއްވަން ނިންމައިިފި އެވެ.

މާލެ ސިޓީ ކައުންސިލާ ގުޅިގެން ބާއްވާ އެ ހަރަކާތް އޮންނާނީ އުސްފަސްގަނޑުގައި މިއަދު ހަވީރު 5:00 އިން 6:00 އަށެވެ. މި ހަރަކާތުގައި ހުރިހާ އުމުރުފުރައެއްގެ ކުޑަކުދިންނަށް ބައިވެރިވެވޭނެ އެވެ. އަދި ހަރަކާތުގައި ބައިވެރިވާ ކުދިންނަށް ދިރާގުން ހިލޭ ގުޑިއެއް ވެސް ދިނުމަށް ވަނީ ހަމަޖެހިފަ އެވެ.

ދިރާގުން ބުނީ ގުޑިފެސްޓް އަކީ ރޯދަމަހު ދިވެހިންގެ މެދުގައި ޒަމާންވީ ސަގާފީ އާދަކާދައެއްގެ ގޮތުގައި އޮތް ގުޑި އެރުވުމުގެ ހަރަކާތަށް ކުޑަކުދިން އަހުލުވެރިކޮށް، އެ ސަގާފަތް ދިރުވުން ކަމަށެވެ.

ދިރާގުން ނިންމާފައި ވަނީ "ގުޑި ފެސްޓް" މާލޭގެ އިތުރުން ހުޅުމާލެ އަދި އެހެން ރަށްރަށުގައި ރޯދަމަހުގެ އެކި ދުވަސްތަކުގައި ބާއްވާށެވެ.

ދިރާގުން ގުޑި ފެސްޓު ހަރަކާތް ފެށީ 2023 ވަނަ އަހަރު އެވެ.