ކަރީނާ އާއި ޝާހިދު އެކުގައި ފެނުމުން އުފާވެއްޖެ

މިހާރު ކުރިއަށް ގެންދާ މި އަހަރުގެ އައިފާ އެވޯޑުގެ އިވެންޓެއްގައި ބޮލީވުޑްގެ ތަރިން ކަމަށްވާ ކަރީނާ ކަަޕޫރް ހާން އާއި ޝާހިދު ކަޕޫރް ބައްދަލުވެ، އުޅުނު ގޮތުން އެ ތަރިންގެ ފޭނުން ވަރަށް އުފާވެއްޖެ އެވެ.

އިއްޔެ ބޭއްވި އެ އިވެންޓުގައި ޝާހިދުއާ ބައްދަލުވުމުން ކަރީނާ ވަނީ އޭނާ ގައިގައި ބައްދާލައި، އިރުކޮޅެއް ވަންދެން ވާހަކަދައްކަން ހުރެފަ އެވެ. އެ މީހުން ވާހަކަދެއްކީ ވަރަށް ހެވިފައި ތިބެގެންނެވެ. މި މަންޒަރު މިހާރު ވަނީ ސޯޝަލް މީޑިއާގެ އެކި ޕްލެޓްފޯމްތަކުގައި ވައިރަލްވެފަ އެވެ.

jab we met again ft. kareena kapoor and shahid kapoor pic.twitter.com/DorN9I3I0r
— ? • (@booksb4looks) March 8, 2025

ބައެއް ފޭނުން ބުނި ގޮތުގައި ހީވީ "ގީތު އާއި އަދިތުޔަ" އަލުން ބައްދަލުވީހެންނެވެ. އެއީ، އެ ދެ ތަރިން އެކުގައި ކުޅުނު އެންމެ ހިޓު ފިލްމު ކަމުގައިވާ "ޖަބް ވީ މެޓް"ގައި ކުޅުނު ރޯލުތަކަށް ކިޔާ ނަންތަކެވެ.

ކަރީނާ އާއި ޝާހިދުއަކީ ކުރީގެ ލޯބިވެރިންނެވެ. އެ ދެމީހުންގެ ލޯބީގެ ގުޅުން ފެށުނީ 2004 ގަ އެވެ. އެއީ، އެ ތަރިން އެކުގައި ކުޅުނު ފިލްމު "ފިދާ"ގެ ޝޫޓިންގެ ދުވަސްވަރު އެވެ. އަދި ގާތްގަނޑަކަށް ތިން ވަރަކަށް އަހަރު ދުވަހު ރަށްޓެހިވެގެން އުޅުމަށް ފަހު އެމީހުން ވަކިވީ 2007 ގަ އެވެ. އެއީ، "ޖަބް ވީ މެޓް" ޝޫޓްކުރަމުން ދިޔަ ދުވަސްވަރު އެވެ.