ބަނގުރަލުގެ ވިޔަފާރިކުރުމުގެ ތުހުމަތުވާ ބިދޭސީއަކު ޑީޕޯޓުކުރަނީ

ގަވާއިދާ ހިލާފަށް ބަނގުރާ ގެންގުޅެ ބެނުންކޮށް، އޭގެ ވިޔަފާރިކުރާ ކަމުގެ ތުހުމަތުގައި ހައްޔަރުކުރި މީހަކު ޑީޕޯޓުކުރަން މޯލްޑިވްސް އިމިގްރޭޝަނާ ހަވާލުކޮށްފި އެވެ.

ފުލުހުން ބުނީ ބަންގްލަދޭޝްގެ ޝޮފިގުލް އިސްލާމް ކިޔާ އެ މީހާ ހައްޔަރުކުރީ މިދިޔަ ހަފްތާގެ ބުދަ ދުވަހު ކައުންޓާ ނާކޮޓިކްސް އިންޓެލިޖެންސާއި ޑްރަގު އެންފޯސްމަންޓް ގުޅިގެން ހިންގި އޮޕަރޭޝަނެއްގައި ކަމަށެވެ.

އުމުރުން 44 އަހަރުގެ އެ މީހާ މަގުމަތިން ހިފަހައްޓައި ބަލައިފާސްކުރުމުގެ އިތުރުން އޭނާ ދިރިއުޅޭ ގެ ވެސް ބަލައިފާސްކުރި ކަމަށް ފުލުހުން ބުންޏެވެ.

ފުލުހުން ބުނި ގޮތުގައި އޭނާގެ އަތުން ޖުމްލަ 16 ފުޅި ބަނގުރާ ފެނުނެވެ.

އެ މައްސަލަ އިތުރަށް ތަހުގީގުކުރަމުން އަންނައިރު ފުލުހުން ބުނީ އޭނާ ޑީޕޯޓުކުރަން އިމިގްރޭޝަނާ ހަވާލުކޮށްފައިވާ ކަމަށެވެ.