ސިފައިންގެ އަހަރީ ދުވަހާ ގުޅިގެން ޕެރޭޑެއް ބާއްވަނީ

މާދަމާ ފާހަގަކުރާ ސިފައިންގެ 125 ވަނަ އަހަރީ ދުވަހާ ގުޅިގެން ޚާއްސަ ޕެރޭޑެއް މާލޭގައި ބޭއްވުމަށް އެމްއެންޑީއެފުން ނިންމައިފި އެވެ.

އެމްއެންޑީއެފްގެ މީޑިއާ އޮފިޝަލް މިއަދު ވިދާޅުވި ގޮތުގައި މި ޕެރޭޑް ފަށާނީ މާދަމާ ހަވީރު 4:15 ގައި ކަޅުތުއްކަލާކޮށިންނެވެ.

ޕެރޭޑް ކުރިއަށް ގެންދާއިރު، ތިން ތަނެއްގައި ހުއްޓޭ ގޮތަށް ވަނީ ހަމަޖެހިފަ އެވެ. އެއީ ސިއްތިމާވާ ހިނގުމާއި އަމީނީމަގާ ގުޅޭ ހަތަރު އަނގޮޅި ކަންމައްޗާއި ބޮޑުތަކުރުފާނުުމަގުން ދަރުބާރުގެއާ ދިމާއަށް އަދި މެރީބްރައުން ކުރިމައްޗަށެވެ.

މި ޕެރޭޑްގައި ގިނަ އަދަދެއްގެ ސިފައިން ބައިވެރިވާނެ ކަމަށް އެމްއެންޑީއެފުން ބުންޏެވެ.