ޖަޕާނުގެ ފޮރިން މިނިސްޓަރު ރާއްޖެ ވަޑައިގެންފި

ރަސްމީ ދަތުރުފުޅެއްގައި ޖަޕާނުގެ ފޮރިން މިނިސްޓަރު ޓާރޯ ކޯނޯ މިއަދު ހެނދުނު ރާއްޖެ ވަޑައިގެންފި އެވެ.

ޖަޕާނުގެ ފޮރިން މިނިސްޓަރަކު ފުރަތަމަ ފަހަރަށް ރާއްޖެ އަށް ކުރައްވާ ރަސްމީ ދަތުރުފުޅުގައި ޓާރޯ އަށް ވެލާނާ އިންޓަނޭޝަނަލް އެއާޕޯޓުން މަރުހަބާ ދެންނެވީ ފޮރިން މިނިސްޓަރު ޑރ. މުހައްމަދު އާސިމާއި އެ މިނިސްޓްރީގެ ވެރިންނެވެ.

ޓާރޯގެ އެއް ދުވަހުގެ މި ދަތުރުފުޅުގައި ރައީސް އަބްދުﷲ ޔާމީނާ ބައްދަލު ކުރެއްވުމުގެ އިތުރުން، ދެ ގައުމުގެ މެދުގައި ރަސްމީ މަޝްވަރާތައް ބާއްވަން ވެސް ވަނީ ހަމަޖެހިފަ އެވެ.

މިނިސްޓަރު ޓާރޯ ރާއްޖެ ވަޑައިގަތީ ޖަޕާނާއި ރާއްޖެއާ ދެމެދު ސިޔާސީ ގުޅުން ގާއިމް ކުރިތާ ފަސް އަހަރު ފުރުނު މުނާސަބާ ފާހަގަ ކުރަމުންދާ ދަނޑިވަޅެއްގަ އެވެ. ޖަޕާނަކީ ރާއްޖެ އަށް ގިނަ ގޮތްގޮތުން އެހީ ދެމުން އަންނަ ގައުމެކެވެ.