މައުމޫން ދިރިއުޅުއްވާ ބައި ފާހެއް ނުކުރެވުނު

27 ޖެނުއަރީ 2018

ދިއްގަރު ދާޢިރާގެ މެމްބަރު އަދި ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން އަހުމަދު ފާރިސް މައުމޫންގެ މައްސަލާގައި ފުލުހުން ފާސްކުރަން އުޅުނު މ. އެންދެރިމާގޭގެ މައުމޫންގެ އެޕާޓްމަންޓް ފާސްނުކުރެވިގެން ފުލުހުން އެނބުރި ހިނގައްޖެ އެވެ.

މައުމޫން ކުރެއްވި ޓްވީޓެއްގައި ވިދާޅުވީ ކޯޓު އަމުރުގައި އެމަނިކުފާނާއި އަނބިކަނބަލުން ނަސްރީނާ އިބްރާހިމް ދިރިއުޅުއްވާ ބައި ފާސްކުރަން ނެތް ކަމަށާއި އެ ދެ ބޭފުޅުންގެ ނަން ފުޅު ވެސް އެ އަމުރުގައި ނެތް ކަމަށެވެ. އަދި މައުމޫން ކުރިން ކުރެއްވި ޓްވީޓެއްގައި ވިދާޅުވީ އެ ގެއަކީ ފާރިސްގެ ކޮޓަރިއެއް އަދި އޮފީހެއް ވެސް ހުންނަ ގެއެއް ނޫން ކަމަށް ބުނެފައި ވަނިކޮށް އެ ގެއަށް ފުލުހުން ވަދެގަތީ ކަމަށެވެ. އެންދެރިމާގެ އަކީ ފާރިސްގެ މަންމާފުޅު ނަސްރީނާ އިބްރާހީމްގެ ގެ އެވެ. ފާރިސް ދިރިއުޅުއްވަމުން ގެންދަވަނީ އަނބިކަނބަލުންގެ ގެ މ. ސްނޯރޯޒް ގަ އެވެ. ފުލުހުން ވަނީ ކޯޓު އަމުރެއްގެ ދަށުން އެ ގެ މިއަދު ފާސްކޮށްފަ އެވެ. އަދި ރިޝްވަތުގެ ތުހުމަތުގައި ފާރިސް ވަނީ މިއަދު ހަވީރު ހައްޔަރުކޮށްފަ އެވެ.

@PoliceMv came to search our home Endherimaage tonight. But as the court order did not specify our apartment or our names I did not permit them to search it. Now they have gone back possibly to ask the judge to amend the order!!!
— Maumoon Abdul Gayoom (@maumoonagayoom) January 27, 2018

ފާރިސްގެ ދައްތަ ޔުމްނާ މައުމޫން ކުރެއްވި ޓްވީޓެއްގައި ވިދާޅުވެފައި ވަނީ ފުލުހުން އެ ގެ ފާސްކުރަން ދިއުމުން، ފާރިސްއާ ގުޅޭ ތަންތަން ބަލާ ފާސްކުރާ ނަމަ އެންމެ ފުރަތަމަ ފާސްކުރަންވީ މާފުށީ ޖަލު ކަމަށް މައުމޫން ފުލުހުން ކައިރީގައި ވިދާޅުވި ކަމަށެވެ.

MP @afarismaumoon gulhey thanthan balaa faas kuraa nama emme furathama balanvy Maafushy jalu kamah RM @PoliceMv beyfulhun arihu vidhaalhuvi.
— Yumna Maumoon (@yumna_maumoon) January 27, 2018

ފުލުހުން އެންދެރިމާގެ އިން ދިޔައީ އެކަމާ ބެހޭ ގޮތުން މަޝްވަރާ ކުރަން ކަމަށް ބުނެ ކަމަށް ވެ އެވެ. އެންދެރިމާގޭގައި މައުމޫން އުޅުއްވާ އެޕާޓްމަންޓް ފާސް ކުރެވޭތޯ ފުލުހުން އެ ގޭ ތެރޭގައި ވަރަށް ގިނައިރު މަޑުކުރި އެވެ.

Comments