އައިޓީބީ ފެއާ އަށް ދާން ރާއްޖޭން ވިސާ ދޫކުރަނީ

އައިޓީބީ ފެއާ އަށް ދާ މީހުންނަށް ރާއްޖޭން ވިސާ ދޫކުރަނީ

31 ޖެނުއަރީ 2018

ޖަރުމަނު ވިލާތުގެ ބާލިންގައި ބާއްވަމުން އަންނަ ޓޫރިޒަމްގެ އެންމެ ބޮޑު ފެއާ ކަމަށްވާ "އައިޓީބީ ފެއާ 2018" އަށް ރާއްޖޭން ދާން ބޭނުންވާ މީހުންނަށް، ޖަރުމަނަށް ދިއުމަށް ބޭނުންވާ ވިސާ ރާއްޖޭގެ ފޮރިން މިނިސްޓްރީން ދޫކުރާ ގޮތަށް ހަމަޖައްސައިފި އެވެ.

އަހުމަދު ސާއިލް އަލީ

ފޮރިން މިނިސްޓްރީން މިއަދު ބުނީ އަންނަ ބުދަ ދުވަހުން ފެށިގެން ހަތް ދުވަހުގެ ނިޔަލަށް ފޮރިން މިނިސްޓްރީން ޖަރުމަނު ވިސާ ދޫކުރާނެ ކަމަށެވެ. އާންމު އުސޫލުގެ ދަށުން ޖަރުމަނަށް ދާން ބޭނުންވާ މީހުން ވިސާ ނެގުމަށްޓަކައި ދާން ޖެހެނީ ސްރީ ލަންކާ އަށެވެ. އެކަމަށް އެ ގައުމުގައި ދެ ދުވަސްވަރު ހޭދަ ކުރަންޖެހެ އެވެ.

ފޮރިން މިނިސްޓްރީން ނެރުނު ބަޔާނެއްގައި މިނިސްޓަރު ޑރ. މުހައްމަދު އާސިމް ވިދާޅުވީ ރާއްޖޭން ވިސާ ޖެހޭ ގޮތް ވުމުން ޖަރުމަނަށް ދަތުރު ކުރާ ދިވެހިންނަށާއި އައިޓީބީ ފެއާގައި ބައިވެރިވާ ފަރާތްތަކަށް ލުއި ފަސޭހަތަކެއް ލިބިގެންދާނެ ކަމަށެވެ.

ވިސާ ބޭނުންވާ ފަރާތްތަކުން އަންނަ ހޯމަ ދުވަހުގެ ކުރިން އޮންލައިންކޮށް އެ ޕޮއިންޓްމަންޓް ހަދަން ޖެހެ އެވެ.

Germany Visa Information - Sri Lanka - SCHEDULE AN APPOINTMENT

Important: As part of the visa application procedure, from 2 November 2015 applicants will need to provide biometric fingerprint data along with a digital photograph. If you have temporary injuries on your fingers, applicants are advised to wait until the injuries have healed before you book your ap…

ވިސާއަށް އޮންލައިންކޮށް އެޕޮއިންޓްމަންޓް ހަދާ ވެބްސައިޓް--

މާޗް މަހުގެ ހަތް ވަނަ ދުވަހު ފަށާ އައިޓީބީ ފެއާ އަކީ ދުނިޔޭގެ ފަތުރުވެރިކަމުގެ އެންމެ ބޮޑު އެއް ފެއާ އެވެ. އާންމުކޮށް ހުޅުވާލައިގެން ބާއްވާ އެ ފެއާގައި ގިނަ އަދަދެއްގެ ދިވެހިން ވެސް ބައިވެރިވެ އެވެ.

Comments