25 އެޕްރީލް 2022
ރާއްޖެ އިން ޖަރުމަނަށް ކަނޑައަޅާ އާ ސަފީރަކަށް، ޗީފް އޮފް ޕްރޮޓޮކޯލްގެ މަގާމުގައި ހުންނެވި އާއިޝަތު ޝާން ޝާކިރު ހަމަޖެއްސެވުމަށް ރައީސް އިބްރާހިމް މުހައްމަދު ސޯލިހު ނިންމަވައި، އެ ނަމަށް މަޖިލީހުގެ ރުހުން ހޯދަން ފޮނުއްވައިފި އެވެ.
ރާއްޖެ އިން ޖަރުމަނަށް ކަނޑައަޅާ އާ ސަފީރަކަށް، ޗީފް އޮފް ޕްރޮޓޮކޯލްގެ މަގާމުގައި ހުންނެވި އާއިޝަތު ޝާން ޝާކިރު ހަމަޖެއްސެވުމަށް ރައީސް އިބްރާހިމް މުހައްމަދު ސޯލިހު ނިންމަވައި، އެ ނަމަށް މަޖިލީހުގެ ރުހުން ހޯދަން ފޮނުއްވައިފި އެވެ.
ރާއްޖޭގެ ފުރަތަމަ އަންހެން ޕްރޮޓޮކޯލް ޝާން ޝާކިރު ޖަރުމަނުގެ ސަފީރަކަށް ހަމަޖައްސާއިރު، މިހާތަނަށް އެ މަގާމުގައި ހުންނެވީ އަހުމަދު ލަތީފް (ސީވިޑް ލަތީފް) އެވެ.
ރައްޔިތުންގެ މަޖިލީހަށް ރައީސް އިބްރާހިމް މުހައްމަދު ސޯލިހު ފޮނުއްވި ސިޓީގައި ވިދާޅުވީ، ލަތީފް އަނބުރާ ގެންނަން ނިންމަވާފައިވާ ކަމަށެވެ. ނަމަވެސް އޭނާ ދެން ހަމަޖައްސަވާނެ ތަނެއް ރައީސް އަދި ވިދާޅެއް ނުވެ އެވެ.
ޝާން ޝާކިރު، ޖަރުމަނުގެ ސަފީރަކަށް ހަމަޖެއްސުމާ ގުޅޭ ގޮތުން އޭނާގެ ނަން ދިރާސާކޮށް، ގޮތެއް ނިންމުމަށްޓަކައި ހާރިޖީ ގުޅުންތަކުގެ ކޮމިޓީ އަށް ފޮނުވަން ނިންމެވީ ކަމަށް މަޖިލީހުގެ މިއަދުގެ ޖަލްސާގެ ރިޔާސަތުގައި އިންނެވި މަޖިލީހުގެ ނައިބު ރައީސް އީވާ އަބްދުﷲ ވިދާޅުވި އެވެ.
ޝާން ޝާކިރު، ޗީފް އޮފް ޕްރޮޓޮކޯލްގެ މަގާމަށް އައްޔަންކުރީ ނޮވެމްބަރު 15، 2020 ގަ އެވެ.
އޭނާ ވަނީ ފޮރިން މިނިސްޓްރީގެ އެހެނިހެން އިސް މަގާމުތައް ވެސް ކުރިން ފުރުއްވައިފަ އެވެ. އޭގެ ތެރޭގައި އެ މިނިސްޓްރީގެ ޖޮއިންޓް ސެކްރެޓަރީކަން ވެސް ހިމެނެ އެވެ. އަދި ބަންގްލަދޭޝްގައި ހުންނަވާ ދިވެހި ސަފީރުކަން ވެސް އޭނާ ކުރެއްވި އެވެ.
ލަތީފް، ޖަރުމަނުގެ ސަފީރަކަށް ހަމަޖެއްސީ ޖެނުއަރީ 20، 2019 ގައެވެ. އަދި އޭނާ ވަނީ ޗައިނާގެ ސަފީރުކަން ވެސް ކުރިން ކުރައްވައިފަ އެވެ.
ޝާން ޝާކިރަށް މަޖިލީހުން ރުހުން ދީފި
ފޮރިން ސާވިސް ބިލް: ނުފޫޒުގެ ތުހުމަތާއި ތައުރީފު
ލަތީފް ޖަރުމަނު ސަފީރަކަށް، ލަންކާއަށް އުމަރު
ޖަރުމަނުގައި ހުންނަވާ ސަފީރުގެ ނައިބަކަށް ޖިނާހް
ޖަރުމަނުގެ ސަފީރަކަށް ޖަމީލާ ހަމަޖައްސަނީ
ފަޒީލް ހިމެނޭހޭން 3 ގައުމެއްގެ ސަފީރުންނަށް ރުހުންދީފި
ގިނަ ދުވަސްތަކެއް ފަހުން 8 ސަފީރުންނަށް ރުހުން ދީފި
ލަންކާ ސަފީރު ކަމަށް މަސްއޫދު، މެލޭޝިއާ އަށް ޝަބީނާ
ތިން ސަފީރަކު އައްޔަނުކުރަން މަޖިލީހަށް
ހުވާކުރާ ރަސްމިއްޔާތަށް މަންދޫބުން ވަޑައިގަންނަވަނީ