31 ޖެނުއަރީ 2018
ރައްޔިތުންގެ މަޖިލީހުގެ މެމްބަރުކަމުން ވަކިވެފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ މެމްބަރުންގެ ތެރެއިން، ދަނގެތީ ދާއިރާގެ މެމްބަރު އިލްހާމް އަހްމަދާއި މައްޗަންގޮޅީ ދެކުނު ދާއިރާގެ މެމްބަރު އަބްދުﷲ ސިނާން ހޯދަން ފުލުހުން މިރޭ އިއުލާން ކޮށްފި އެވެ.
ރައްޔިތުންގެ މަޖިލީހުގެ މެމްބަރުކަމުން ވަކިވެފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ މެމްބަރުންގެ ތެރެއިން، ދަނގެތީ ދާއިރާގެ މެމްބަރު އިލްހާމް އަހްމަދާއި މައްޗަންގޮޅީ ދެކުނު ދާއިރާގެ މެމްބަރު އަބްދުﷲ ސިނާން ހޯދަން ފުލުހުން މިރޭ އިއުލާން ކޮށްފި އެވެ.
M.Alimasvaadhee, Abdullah Sinan aai Ga. Gemanafushi/Orchidmaage, Ilhaam Ahmed Maldives Police Service ah haaziruvumaai gulhey https://t.co/8TosYtLByG pic.twitter.com/iwRccmQM5p
— Maldives Police (@PoliceMv) January 31, 2018
ފުލުހުން ކުރި ޓުވީޓް
ފުލުހުންގެ ވެބްސައިޓްގައި ބުނެފައިވާ ގޮތުގައި އެ ދެ ބޭފުޅުން ހޯދަނީ، މަޖިލީހުގެ ބައެއް މެމްބަރުންނަށް ރިޝްވަތު ދިނުމުގެ ތުހުމަތުގައި، ދިއްގަރު ދާއިރާގެ މެމްބަރު އަހްމަދު ފާރިސް މައުމޫންގެ މައްޗަށް ތުހުމަތުކުރެވޭ މައްސަލައާ ގުޅިގެން ފުލުހަށް ހާޒިރު ކުރުމަށް ބޭނުންވެ ރާއްޖޭގައި މި ވަގުތު ނެތުމުގެ ސަބަބުން އެ ދެ މެމްބަރުން ހާޒިރު ކުރެވިފައިނުވާތީ އެވެ.
ސިނާން އާއި އިލްހާމް ފުލުހަށް ހާޒިރު ކުރުމަށް ޗިޓް ހަވާލުކުރުމަށް ފުލުހުން މަސައްކަތްކުރި ނަމަވެސް އެ ދެ ބޭފުޅުން އުޅުއްވާ ވަކި ތަނެއް ނޭނގި މި ވަގުތު ރާއްޖެ އިން ބޭރުގައި ތިއްބެވުމުގެ ސަބަބުން ފުލުހުންގެ ތަޙުގީގަށް ހާޒިރުވުމަށް އަންގާ ޗިޓް ވަނީ ހަވާލުނުކުރެވި ކަމަށް ފުލުހުންގެ ވެބްސައިޓްގައިވެ އެވެ.
އެހެންކަމުން މިއަދުން ފެށިގެން 14 ދުވަހުގެ ތެރޭގައި ފުލުހަށް ހާޒިރުވުމަށް ސިނާނާއި އިލްހާމަށް ވަނީ މުހުލަތެއް ދީފަ އެވެ. އެއީ އެ ދެ ބޭފުޅުންގެ މައްޗަށް ތުހުމަތުކުރެވޭ މައްސަލައާ ގުޅިގެން ތަހުގީގަށް ކުރަންޖެހޭ ސުވާލުތައް ކުރުމަށާއި އެ ތުހުމަތުތަކަށް ޖަވާބުދާރީވުމުގެ ގޮތުންނެވެ.
އަދި އެ މުއްދަތުގެ ތެރޭގައި ތަހުގީގަށް ހާޒިރު ނުވެއްޖެނަމަ އަޅަންޖެހޭ ގާނޫނީ އެހެނިހެން ފިޔަވަޅުތައް ފުލުހުން އަޅާނެ ކަމަށް ފުލުހުންގެ ވެބްސައިޓްގައި ބުނެފައިވެ އެވެ.
ސިނާނާއި އިލްހާމަކީ ކުރިން ރައީސް އަބްދުﷲ ޔާމީން އަދި ފަސްޓް ލޭޑީ ފާތިމަތު އިބްރާހީމްގެ ވަރަށް އަރިސް ދެބޭފުޅުން ކަމަށް ވިޔަސް، އެ ބޭފުޅުންގެ މެދުގައި އުފެދުނު ހިޔާލު ތަފާތުވުންތަކާ ގުޅިގެން ރާއްޖެއިން ބޭރުގައި އުޅުއްވާތާ 11 ވަރަކަށް މަސް ވަނީ ވެފަ އެވެ. އަދި ރާއްޖެއިން ބޭރަށް ވަޑައިގެންނެވި ފަހުން، އެ ދެ ބޭފުޅުން ވެސް ޕީޕީއެމުން ވަކި ކުރުމާއެކު، އެ ޕާޓީގެ އެދުމަކަށް މަޖިލީހުގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ވަނީ ކަނޑައަޅައިފަ އެވެ.
އިލްހާމް މިރޭ ކުރެއްވި ޓުވީޓެއްގައި ވިދާޅުވީ، އޭނާގެ އާއިލާ މާލޭގައި ދިރިއުޅޭ ގެއަށް ފުލުހަކު އޭނާއާ ބައްދަލުކުރުމަށް މިރޭ ދިޔަ ކަމަށެވެ. އެކަމަކު ރާއްޖޭގައި ނޫޅޭ ކަމަށް ބުނުމުން، ކޮއްކޮގެ މައުލޫމާތު ނޯޓު ކުރުމަށް ފަހު، ފުލުހުން ގޮސްފައިވާ ކަމަށް އިލްހާމް ވިދާޅުވި އެވެ.
އިލްހާމް ވިދާޅުވީ، ފުލުހުން ކުރާ ކޮންމެ ސުވާލަކަށް ޖަވާބު ދެއްވުމަށްޓަކައި ވަރަށް އަވަހަށް މާލެ ވަޑައިގަންނަވާނެ ކަމަށެވެ. އެކަމަކު އޭނާ ވިދާޅުވީ ސިޔާސީ ބޭނުމަށްޓަކައި އާއިލާ އަށް ބިރު ދެއްކުން ހުއްޓާލުމަށް ފުލުހުންނަށް ގޮވާލައިފަ އެވެ.
އިލްހާމާއި ސިނާން ހޯދުމަށް ފުލުހުން މިރޭ އާންމުކޮށް އާންމުކޮށް އިއުލާންކުރީ، އިލްހާމްގެ މި ޓުވީޓަށް ފަހު އެވެ.
"އަލީ ހަމީދުގެ ދަބަހަކުން 3.4 މިލިއަން ފެނިފައިވޭ"
މެމްބަރު ސިނާން ފުލުހުންނާ އަމިއްލައަށް ހަވާލުވެއްޖެ
ސިނާނާއި އިލްހާމް ހޯދަން ފުލުހުން އިއުލާންކޮށްފި
"މެމްބަރުންގެ މައްސަލަ ހިނގަނީ ސިޔާސީ މަގްސަދެއްގައި"
ގޮނޑީގެ މައްސަލައިގެ ބަޔާންތަކުގައި ސޮއިކޮށްފި
ފާރިސްގެ ޑީލް ހެދުމުގެ ވިސްނުމެއް، މާޔޫސްވުމެއް ނެތް
ފާރިސް ޖަލުގައި، އެކަމަކު އޭނާގެ މަސައްކަތް ކުރިއަށް
ފާރިސް ޖަލުގައި 10 މަސް، އަޒުމް ގުޑުވައެއްނުލެވޭނެ
ފައިސާ ބެހި ކަމަށް ދިން ބަޔާން އަނބުރާ ގެންގޮސްފި
ވެރިކަން ވައްޓާލަން އުޅުނީ ނައިބަކަށް އަދީބު ލުމުން