އެވިޑް ކޯސްތަކަށް ކުރިމަތިލުމުން އުމުރާ ދަތުރެއް

އަންނަ މޭ މަހު އެވިޑް ކޮލެޖުން ފަށާ ކޯސްތަކަށް ކުރިމަތިލާ މީހުންގެ ތެރެއިން ގުރުއަތުން ހޮވޭ އެކަކަށް އުމްރާ ދަތުރެއް ދިނުމަށް އެކޮލެޖުން ނިންމައިފި އެވެ.

އެވިޑް ކޮލެޖްގެ ވައިސް ރެކްޓާ ޑރ. އަބްދުﷲ ރަޝީދު ވިދާޅުވީ މޭ މަހު ފަށާ ކޯސްތަކަށް ކުރިމަތިލުމުގެ ފުރުސަތު މިއަދުން ފެށިގެން އޭޕްރީމް މަހުގެ ނިޔަލަށް ހުޅުވާލާފައިވާ ކަމަށެވެ. އަލަށް ފަށާ މާސްޓާސް އިން ހިއުމަން ރިސޯސް މެނޭޖްމަންޓް ކޯހާ އެކު 45 ކޯހަކަށް ވަނީ ފުރުސަތު ހުޅުވާލާފަ އެވެ.

އަބްދުﷲ ވިދާޅުވީ ޕޯސްޓް ގުރެޖްއޭޓާއި މާސްޓާސް ކޯސްތަކަށް ކުރިމަތިލާ މީހުންނަށް 10 ޕަސެންޓްގެ ޑިސްކައުންޓެއް ދިނުމަށް ނިންމާފައިވާ ކަމަށެވެ. ޑިގްރީން ފެށިގެން ދަށުގެ ކޯސްތަކަށް 15 ޕަސެންޓް ޑިސްކައުންޓެއް ދިނުމަށް ވަނީ ނިންމާފަ އެވެ.

އޭނާ ވިދާޅުވީ މެލޭޝިއާގެ ސައިބާޖާޔާ ޔުނިވާސިޓީއާ ގުޅިގެން ބެޗްލާސް އިން ސައިކޮލޮޖީ ފެށުމަށް ތައްޔާރުވަމުން އަންނަ ކަމަށެވެ.

އެވިޑް ކޮލެޖު މީގެ 13 އަހަރު ކުރިން ހިންގަމުން އައީ ޓިއުޝަން ސެންޓަރެއްގެ ގޮތުގަ އެވެ. ނަމަވެސް އެތަން ކޮލެޖަކަށް ބަދަލުކޮށްފައިވަނީ 2013 ވަނަ އަހަރެވެ.