"ސިމްބާ" ގެ އާމްދަނީ 200 ކްރޯޑް ރުޕީސް އަށް އަރައިފި

10 ޖެނުއަރީ 2019

ރިލީޒް ކުރިތާ 12 ދުވަހުގެ ތެރޭގައި ރަންވީރު ސިންގްގެ ފިލްމު "ސިމްބާ" 200 ކްރޯޑް ރުޕީސްގެ އާމްދަނީއެއް ހޯދައިފި އެވެ.

އަހުމަދު އަދްޝަން

މިދިޔަ މަހުގެ 28 ވަނަ ދުވަހު ރިލީޒްކުރި ފިލްމަށް އިންޑިއާ އިން އެކަނި ލިބުނު އާމްދަނީ އަންގާރަ ދުވަހާ ހަމައަށް ވަނީ 202.83 ކްރޯޑް ރުޕީސް އަށް އަރައިފަ އެވެ. އިންޑިއާ އާއި އިންޑިއާ އިން ބޭރުގެ މާކެޓްތަކުގައި ދައްކައިގެން "ސިމްބާ" އަށް އަންގާރަ ދުވަހާ ހަމައަށް ވަނީ ޖުމްލަ 334.87 ކްރޯޑް ރުޕީސް ލިބިފަ އެވެ.

ކަރަން ޖޯހަރު ޕްރޮޑިއުސްކޮށް، ރޯހިތު ޝެޓީ ޑައިރެކްޓްކުރި މި ފިލްމަށް ހަރަދުކޮށްފައި ވަނީ އެންމެ 80 ކްރޯޑް ރުޕީސް އެވެ.

And #Simmba roars louder with a DOUBLE CENTURY... Hits ₹ 200 cr mark... Shows solid hold on weekdays, which indicates it won’t slow down soon... [Week 2] Fri 9.02 cr, Sat 13.32 cr, Sun 17.49 cr, Mon 6.16 cr, Tue 6.03 cr. Total: ₹ 202.83 cr. India biz.
— taran adarsh (@taran_adarsh) January 9, 2019

ބޮލީވުޑްގެ ފިލްމީ ވިޔަފާރި ދިރާސާ ކުރާ ފަރާތްތަކުން މިހާރު ލަފާ ކުރާ ގޮތުގައި އެންމެ 12 ދުވަހުގެ ތެރޭގައި "ސިމްބާ" އަށް 200 ކްރޯޑް އިންޑިއާ އިން ލިބިފައިވާތީ މި ފިލްމު 500 ކްރޯޑްގެ އާމްދަނީއެއް ވެސް ހޯދުމުގެ ފުރުސަތު ބޮޑެވެ.

2018 was a momentous year for Ranveer Singh, professionally... The year began with #Padmaavat [crossed ₹ 300 cr] and concluded with #Simmba [crossed ₹ 200 cr, still running]... Like they say, ऊपर वाला जब देता है तो छप्पर फाड़ के देता है... Two solid BLOCKBUSTERS in one year! pic.twitter.com/BYNmw5Hpzd
— taran adarsh (@taran_adarsh) January 9, 2019

އެހެންވެއްޖެ ނަމަ ރަންވީރުވެގެން ދާނީ ޒުވާން އެކްޓަރުންގެ ތެރެއިން 500 ކްރޯޑްގެ އާމްދަނީއެއް ހަމާ ކުރާ ފުރަތަމަ އެކްޓަރަށެވެ.

Crossing the 200 crore mark!!!!!!! #SIMMBA ruling the box office!!!!! #RohitShetty @RanveerOfficial #SaraAliKhan @RelianceEnt @RSPicturez @DharmaMovies @apoorvamehta18 pic.twitter.com/DnXPqz0oyl
— Karan Johar (@karanjohar) January 9, 2019

މިދިޔަ އަހަރަކީ ރަންވީރަށް ވަރަށް ވެސް ކާމިޔާބު އަހަރެކެވެ. އެގޮތުން މިދިޔަ އަހަރުގެ ޖެނުއަރީ މަހު ރިލީޒް ކުރި އޭނާގެ "ޕަދުމާވަތު" އަކީ އިންޑިއާ އިން 300 ކްރޯޑްގެ އާމްދަނީއެއް ހޯދި ފިލްމެކެވެ.

Current Mood: MIND-ICH-BLOWING!!! ???#SIMMBA .@TiaraMotion pic.twitter.com/uPAnEXqWH6
— Ranveer Singh (@RanveerOfficial) January 2, 2019

ސަންޖޭ ލީލާ ބަންސާލީ ޑައިރެކްޓްކޮށްފައިވާ އެ ފިލްމަށް އިންޑިއާ އާއި އިންޑިއާ އިން ބޭރުގައި ދައްކައިގެން ޖުމްލަ 585 ކްރޯޑް ރުޕީސްގެ އާމްދަނީއެއް ލިބިފައިވެ އެވެ.

ރަންވީރުގެ އަންހެނުން ދީޕިކާ ޕަދްކޯން ބަތަލާގެ ރޯލް ކުޅުނު "ޕަދުމާވަތު" އަކީ 215 ކްރޯޑް ރުޕީސްގެ ބަޖެޓަކުން ހެދި ފިލްމެކެވެ.

"ސިމްބާ" ބެލުންތެރިންނަށް ކަމުގޮސްފި ނަމަ މީގެ ދެވަނަ ބައެއް ހަދާނެކަމުގެ އިޝާރާތެއް ވެސް ރޯހިތު ދީފައިވާ އިރު، ރަންވީރާ އެކު ފިލްމުގެ ބަތަލާގެ ރޯލް ކުޅުނީ ސާރާ އަލީ ހާނެވެ. މި ފިލްމަކީ ކޮރަޕްޓް ފުލުހެއްގެ ވާހަކަ ކިޔައިދޭ މަސާލާ ފިލްމެކެވެ.

ރަންވީރުގެ ކުރިއަށް އޮތް ފިލްމަކީ އަންނަ މަހުގެ 14 ގައި ރިލީޒް ކުރާ "ގަލީ ބޯއި" އެވެ.

Comments