ފަސް އަހަރުގެ އެކަހެރި ކަމަށް ފަހު ދުނިޔެއިން ރާއްޖެ ބަލައިގަންނަން ފަށައިފި: ޝާހިދު

30 ޖެނުއަރީ 2019

ކުރީގެ ރައީސް އަބްދުﷲ ޔާމީިންގެ ސަރުކާރުގައި، ބައިނަލްއަގުވާމީ މުޖުތަމައުގައި ރާއްޖެ އަށް ކުރިމަތިވި އެކަހެރި ކަމަށް ފަހު ދުނިޔެއިން ރާއްޖެ ބަލައިގަންނަން ފަށާފައިވާ ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.

އަހުމަދު ސާއިލް އަލީ

ޔުނައިޓެބް އަރަބް އެމިރޭޓްސް (ޔޫއޭއީ) އާއި އެމެރިކާ އަދި އިނގިރޭސި ވިލާތަށް ކުރެއްވި ދަތުރުފުޅަށްފަހު މިއަދު ރާއްޖެ ވަޑައިގެން ޝާހިދު ކުރެއްވި ޓްވީޓެއްގައި ވިދާޅުވީ ދަތުރު ވަރަށް ކާމިޔާބު ކަމަށެވެ.

"ރައީސް އިބްރާހިމް މުހައްމަދު ސޯލިހުގެ މެނިފެސްޓޯ ހަގީގަތަކަށް ހަދައިދިނުމަށް އެހީވާން ދުނިޔެ އޮތީ އެހީތެރިވާން،" 10 ދުވަހުގެ ދަތުރާ ބެހޭ ގޮތުން ޝާހިދު ޓްވީޓްގައި ވިދާޅުވި އެވެ.

Back in Maldives after fruitful meetings in Adu Dhabi, Washington, NY and London. After 5 years of isolationism, Maldives is received by the international community with genuine warmth and a readiness to assist us realise Pres @ibusolih's manifesto for the people of Maldives. pic.twitter.com/YHHwIxYZBx
— Abdulla Shahid ? (@abdulla_shahid) January 30, 2019

އެނބުރި ރާއްޖެ ވަޑައިގެން ޝާހިދު ކުރެއްވި ޓްވީޓް---

މި ދަތުރުގައި ޝާހިދު ވަނީ އެމެރިކާގެ ނޭޝަނަލް ސެކިއުރިޓީ ކައުންސިލްގެ މެމްބަރުންނާއި އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒްއާ ބައްދަލުކުރައްވައިފަ އެވެ. މޫސުމަށް އަންނަ ބަދަލުތަކާ ބެހޭ ގޮތުން އދ.ގެ ސަލާމަތީ މަޖިލީހުގައި ޝާހިދު ތަގުރީރުކުރެއްވި އެވެ.

އޭގެ އިތުރުން އޭނާ ވަނީ ރާއްޖޭން އަލުން ގުޅެން ނިންމާފައިވާ ކޮމަންވެލްތުގެ ސެކްރެޓަރީ ޖެނެރަލް ޕެޓްރީސިއާ ސްކޮޓްލަންޑާ ބައްދަލުކުރައްވައި އޭޕްރީލް ހަ ވަނަ ދުވަހު ބާއްވާ އާންމު އިންތިޚާބު އޮބްޒާވް ކުރުމަށް ދައުވަތު ދެއްވާފަ އެވެ.

Comments