ހަޔަ އެޑިއުކޭޝަނަށް ދެ ނައިބުން އައްޔަން ކުރައްވައިފި

ހަޔަ އެޑިއުކޭޝަން މިނިސްޓްރީ އަށް ދެ ނައިބުން، ރައީސް އިބްރާހިމް މުހައްމަދު ސޯލިހް އައްޔަން ކުރައްވައިފި އެވެ.

ރައީސް އޮފީހުން ބުނިގޮތުގައި މިނިސްޓަރުގެ ނައިބު ކަން ދެއްވީ، އިސްމާއިލް ޒަބީހް، ނ. ފޮއްދޫ، އާޝިއާ މަންޒިލް އާއި އައިޝަތު ޝިފާނާ، ގ. މަންބައު އެވެ.

ރައީސް އޮފީހުން ކުރިން ބުނެފައިވާ ގޮތުގައި މި ސަރުކާރަށް ހަމަޖައްސާނީ 39 ސްޓޭޓް މިނިސްޓަރުންނާއި 50 ޑެޕިއުޓީ މިނިސްޓަރުންނެވެ. އެކަމަކު އެ އަދަދު މިހާރު ވަނީ 100 އަށް ވުރެން މަތިވެފަ އެވެ.

ޑެޕިއުޓީ މިނިސްޓަރަކަށް މުސާރަ އާއި އެލަވަންސްގެ ގޮތުގައި ކޮންމެ މަހަކު ލިބިވަޑައިގަންނަވާނީ 35،500ރ. އެވެ. އެއީ 20،500ރ. ގެ މުސާރަ އާއި 15،000ރ. ގެ އެލަވަންސެކެވެ.