01 މެއި 2019
އެންމެ ކުޑަ އުޖޫރަ ކަނޑައެޅުމަށް އިކޮނޮމިކް މިނިސްޓްރީ އަށް ލަފާ ދިނުމަށް "މުސާރަ އާއި ކުޑަ އުޖޫރައާ ގުޅޭ ގޮތުން ލަފާ ދޭ ބޯޑު" ރައީސް އިބްރާހިމް މުހައްމަދު ސޯލިހް މިއަދު އެކުލަވާލައިފި އެވެ.
އެންމެ ކުޑަ އުޖޫރަ ކަނޑައެޅުމަށް އިކޮނޮމިކް މިނިސްޓްރީ އަށް ލަފާ ދިނުމަށް "މުސާރަ އާއި ކުޑަ އުޖޫރައާ ގުޅޭ ގޮތުން ލަފާ ދޭ ބޯޑު" ރައީސް އިބްރާހިމް މުހައްމަދު ސޯލިހް މިއަދު އެކުލަވާލައިފި އެވެ.
މަސައްކަތްތެރެއިންގެ ދުވަހުގެ މުނާސަބަތުގައި ރައީސް ކުރެއްވި ޓުވީޓެއްގައި ވިދާޅުވީ މަސައްކަތް ކުރާ މުވައްޒަފުންނަށް މުސާރައިގެ ގޮތުގައި ދެވޭނެ އެންމެ ކުޑަ މިންވަރު ކަނޑައަޅަން އިކޮނޮމިކް މިނިސްޓަރު ފައްޔާޒް އިސްމާއިލަށް ލަފާ ދެއްވުމަށް ބޯޑެއް އެކުލަވާލުމަކީ ލިބިވަޑައިގެންނެވި ބޮޑު އުފަލެއް ކަމަށެވެ.
ބޯޑުގައި ފަސް މެމްބަރުން ތިއްބަވާ އިރު، އޭގެ ތެރޭގައި ހޮޓެލްސް އެންޑް ރިސޯޓް ކޮންސްޓްރަކްޝަން (އެޗްއާރްސީ) ގެ ޗެއާމަން އަދި މޯލްޑިވްސް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (މަސީ)ގެ ކުރީގެ ރައީސް މުހައްމަދު އަލީ ޖަނާހް އާއި ޓޫރިޒަމް އެމްޕްލޯޔަސް އެސޯސިއޭޝަން އޮފް މޯލްޑިވްސް (ޓީމް) ގެ ޖެނެރަލް ސެކެޓްރީ މައުރޫފް ޒާކިރް ހިމެނިވަޑައިގަންނަވަ އެވެ.
1- މަރިޔަމް ހާލިދާ / ގ. ސިލްވަރުގެ - ޗެއާމަން
2- އިބްރާހިމް ނޫރައްދީން / މއ. މާންދޫ
3- މުހައްމަދު އަލީ ޖަނާހް / ހ. ސީސްސައިޑް
4- އަލީ އާދަމް / ޗާންދަނީގެ، ހއ. ހޯރަފުށި
5- މައުރޫފް ޒާކިރު / ދާއިރާ، ބ. ކެންދޫ
May Day aa dhimaakoh masaikaiy kuraa muvazaffunah musaaraige gothugai dheveyne emme kuda minvaru kandaelhumahtakai Economic Development Minister ah lafaa dhevvumah “Musaara Aai Ujoora Aa Gulhey Gothun Lafaa Dhey Board” mi adhu ekulavaalumakee alhugandah libunu varah bodu ufaleh.
— Ibrahim Mohamed Solih (@ibusolih) May 1, 2019
ރައީސް އިބްރާހިމް މުހައްމަދު ސޯލިހް ކުރެއްވި ޓުވީޓު.
ރައީސްގެ އެހެން ޓުވީޓެއްގައި ވަނީ މަސައްކަތްތެރިންގެ ދުވަހުގެ ތަހުނިޔާ އާއި ހެޔޮ އެދުންތައް ރާއްޖޭގެ މަސައްކަތްތެރިންނަށް އަރިސް ކުރައްވައިފަ އެވެ. އަދި ދިވެހި މަސައްކަތްތެރިންނަށް އުފާވެރި، ބާއްޖަވެރި އަދި ކާމިޔާބު ކުރިމަގަކަށް އެމަނިކުފާނު ވަނީ އެދިވަޑައިގެންފަ އެވެ.
ރާއްޖޭގައި ވަޒީފާ އަދާކުރާ މީހަކަށް ދުވާލެއްގެ މައްޗަށް އެންމެ ކުޑަކޮށް ލިބޭ އުޖޫރައިގެ ގޮތުގައި 200ރ. ކަނޑައަޅައި ސަރުކާރު ކޯލިޝަންގެ އެންމެ ބޮޑު ޕާޓީ، އެމްޑީޕީން ކުރިން ވަނީ ކަރުދާހެއް ތައްޔާރުކޮށްފަ އެވެ.
ކުރިއަށް އޮތް ރައްޔިތުންގެ މަޖިލީހުގައި ކުރާނެ ކަންތައްތައް ހިމެނޭ ގޮތަށް އެމްޑީޕީން ތައްޔާރުކުރި ކަރުދާހުގައި ވަނީ ވަޒީފާއާ ބެހޭ ގާނޫނަށް އިސްލާހު ގެންނަން ނިންމައި، އެންމެ ކުޑަކޮށް އުޖޫރަ ދެވޭނެ އުސޫލުތައް ވަރަށް ތަފްސީލްކޮށް ހިމަނައިފަ އެވެ.
ވަޒީފާ އަދާކުރާ މީހުންނަށް އުޖޫރައިގެ ގޮތުގައި ދެވޭނެ އެންމެ ކުޑަ މިންވަރެއް ކަނޑައެޅުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދުތަކުގެ ތެރޭގައި ހިމެނޭ މުހިންމު ވައުދެކެވެ. ސަރުކާރުން ކުރިން ބުނި ގޮތުގައި އެންމެ ކުޑަ އުޖޫރައެއް ކަނޑައަޅާނީ އެންމެންގެ މަޝްވަރާގެ މަތިންނެވެ.
މިނިމަމް ވޭޖު ކަނޑައަޅަން މި އުޅެނީ ކިހިނެއް؟
"ވިޕަށް ވޯޓުނުދޭން ނިންމީ ރާއްޖެއަށް ގެއްލުންވެދާނެތީ"
އިންތިހާބަށް "ނުފޫޒު ފޯރުވާތީ" ކުއްލި މައްސަލައެއް!
ދެ ކޮމަންޑޫ ގުޅުވައިލުން ހުކުރު ދުވަހު ފަށަނީ
ބައިބައިވުންތަކުގެ ތެރޭގައި މަޖިލިސް މަޑުޖެހުމުގެ ބިރު!
އަޅުގަނޑު މިހުރީ މަޖިލީހުގެ މެޖޯރިޓީއާ އެކީގައި:ރައީސް
ފެކްޝަން ކޯޅުން ހޫނުވެ ރައީސްގެ އިސްތިއުފާއަށް ގޮވައިފި
އާޒިމް ވިދާޅުވަނީ މައްސަލައަކީ ބައެއް ވަޒީރުން ކަމަށް
މަލީހުގެ އިތުބާރު ނެތް ކަމަށް މަޖިލީހުން ފާސްކޮށްފި
މަލީހާ މެދު ނިންމި ނިންމުން ތަންފީޒުކުރޭ: މީކާއީލް