މޫސުން ގޯސްވުމުން މާލޭގައި ބޮޑު ޖަމާއަތުގައި އީދު ނަމާދެއް ނުކުރާނެ

04 ޖޫން 2019

ރާއްޖޭގެ ބޮޑު ބަޔަކަށް މޫސުން ގޯސްވެފައިވާތީ، ފިތުރު އީދު ނަމާދުގެ ބޮޑު ޖަމާއަތް މާލޭގެ މާފަންނު ސްޓޭޑިއަމްގައި މާދަމާ ނޯންނާނެ ކަމަށް އިސްލާމިކް އެފެއާޒް މިނިސްޓްރީން މިރޭ ބުނެފި އެވެ. މާލޭގެ އިތުރުން ހުޅުމާލޭގައި ބޮޑު ޖަމާއަތުގައި އީދު ނަމާދުކުރުން ވެސް ވަނީ ކެންސަލް ކޮށްފަ އެވެ.

އެ މިނިސްޓްރީން ބުނީ އޭގެ ބަދަލުގައި، މާލޭގައި ހުކުރު ނަމާދުކުރާ ހުރިހާ މިސްކިތެއްގައި އީދު ނަމާދު ކުރުން އޮންނާނެ ކަމަށެވެ.

Moosun than nudhinumuge sababun Male' ge avah thakugai Bodu jamaa athugai Ftr Eid namadhu kurun noanaane. adhi Male' gai hukuru kuraa huriha miskithehgai Ftr Eid namadhu kura gothah vanee hama jehifa. Eid Mubarak#EidMubarak #FtrEid #MVIaffairs
— Ministry of Islamic Affairs (@MVIaffairs) June 3, 2019

އިސްލާމިކް އެފެއާޒް މިނިސްޓްރީގެ ޓުވީޓު

މި ފަހަރުގެ ކުޑަ އީދު ފެން އީދަކަށް ވާނެ ކަމަށް މޫސުމާ ބެހޭ އިދާރާ އިން ވަނީ ކުރިން ލަފާކޮށްފަ އެވެ. އެގޮތުން މިއަދުން ފެށިގެން ތިން ދުވަސް ވަންދެން ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް މެޓުން ބުނެފައިވެ އެވެ. މޫސުމާ ބެހޭ އިދާރާ އިން ބުނެފައި ވަނީ މިއަދުން ފެށިގެން 72 ގަޑި އިރު ވަންދެން ރާއްޖޭގެ ބޮޑު ބަޔަކަށް ވިއްސާރަކޮށް ބައެއް ރަށްތަކަށް ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. އެ އިދާރާ އިން ލަފާކޮށްފައިވާ ގޮތުގައި އާއްމު ގޮތެއްގައި ވައި ގަދަވާނީ މެދުތެރެ އާއި އުތުރުގެ އަތޮޅުތަކަށެވެ.

Moosun goasve fen Eid akah vedhaane

The most trusted news source in the Maldives

Mihaaru

ރައީސް އިބްރާހިމް މުހައްމަދު ސޯލިހުގެ ދެކަނބަލުން ބާއްވަވަން ނިންމެވި އީދު ސަލާމް ކުރެއްވުން ވެސް މޫސުން ތަން ނުދޭތީ ވަނީ ކެންސަލް ކުރައްވައިފަ އެވެ.

ފިޠުރު ޢީދުނަމާދު ކުރުމަށްޓަކައި މަސްޖިދުއް ސުލްޠާން މުޙައްމަދު ތަކުރުފާނުލް އައުޡަމްގައި އިންތިޒާމް ހަމަޖެހިފައިވާ ގޮތް#MVIaffairs #Roadha40 #Ramadan #EidAlFitr pic.twitter.com/Cf6NhInj30
— Ministry of Islamic Affairs (@MVIaffairs) June 3, 2019