އާރޮން ކާޓާ "ވަގަށް ނެގި" ކުރެހުން ޑިލީޓްކޮށްފި

އާރޮން ކާޓާ "ވަގަށް ނެގި" ކުރެހުން އިންސްޓަގްރާމުން ޑިލީޓްކޮށްލައިފި

28 ސެޕްޓެމްބަރ 2019

ރާއްޖޭގެ ޑިޖިޓަލް އާޓިސްޓު އަލީ ޝިމްހާގުގެ ކުރެހުމަކީ އަމިއްލަ އެއްޗެއް ކަމަށް ހަދައި ބޭނުންކުރި އެމެރިކާގެ އާޓިސްޓް އާރޮން ކާޓާ އަށް ފާޑުކިއުން އަމާޒުވުމުން އެ ކުރެހުން އޭނާ އިންސްޓަގްރާމުން ޑިލީޓްކޮށްލައިފި އެވެ.

އަހުމަދު އަދްޝަން

އެމެރިކާގެ މަޝްހޫރު ބޭންޑް "ބެކް ސްޓްރީޓް ބޯއިސް" ގެ މެމްބަރު ނިކް ކާޓާގެ ކޮއްކޮ މިއަދު ކުރި ޓްވީޓެއްގައި ބުނީ އޭނާ އިންސްޓަގްރާމްގައި ޕޯސްޓްކުރި ސިންގާގެ ކުރެހުމާ ގުޅިގެން އެއީ ވަގަށް ނަގާފައިވާ ފޮޓޯއެއް ކަމަށް ބުނެ ބުލީކުރާތީ ފޮޓޯ ޑިލީޓްކޮށްލާފައިވާ ކަމަށެވެ. އަދި އޭނާ އަށް ބުލީކުރި މީހުންނަށް ދައުވާކުރާނެ ކަމަށާއި އެ ކުރެހުން އަމިއްލަ އަށް ތައްޔާރުކުރާނެ ކަމަށް ވެސް ބުންޏެވެ.

I’m pulling the lion image I was accused of stealing this and bullied and I’m throwing it in the trash and suing everyone coming st me for clout I’m going to render a new one for myself pic.twitter.com/demnIHl22Z
— Aaroncarter (@aaroncarter) September 28, 2019

އާރޮން "ވަގަށް ނެގި" ސިންގާގެ ޑިޖިޓަލް ކުރެހުން މީގެ ފަސް އަހަރު ކުރިން ކުރެހި ކުރެހުންތެރިޔާ ޝިމްހާގް މިއަދު ބުނީ އޭނާގެ އެ ކުރެހުން އާރޮން "ވަގަށް ނަގައިގެން" އުޅޭކަން އެނގުނީ ޓްވިޓާ އިން ފޮލޯވަރަކު އެކަން ހިއްސާކުރުމުން ކަމަށެވެ. އެހެންވެ ޝިމްހާގް ވެސް ވަނީ އެއީ ވައްކަމެއް ކަމަށް ބުނެ ޓްވީޓްކޮށްފަ އެވެ.

އޭނާ މިއަދު "މިހާރު" އަށް ބުނީ ކުރެހުމުގެ މައްސަލާގައި އާރޮންގެ ގާތު ޝަކުވާކުރުމުން އެއީ އޭނާގެ އެއްޗެއް ކަމަށް ދައުވާކޮށް، އެއީ ގަނެފައިވާ އެއްޗެއް ކަމަށް ބުނެފައިވާ ކަމަށެވެ. ނަމަވެސް ކުރެހުން އެއްވެސް މީހަކަށް ވިއްކާ ނުލާ ކަމަށާއި އެ ބޭނުން ކުރުމުގެ ހުއްދަ ވެސް އެއްވެސް މީހަކަށް ދީފައި ނުވާ ކަމަށް ބުންޏެވެ.

Shimhaq ge kurehun beyru meehaku vagan nagaifi!

The most trusted news source in the Maldives

Mihaaru

އުމުރުން 31 އަހަރުގެ އާރޮންއަކީ 90 ގެ އަހަރުތަކުގެ ތެރޭގައި ވިދައިލި ލަވަކިޔުންތެރިއެކެވެ. އޭނާ މިހާތަނަށް ފަސް އަލްބަމް ނެރެފައިވާ އިރު އެންމެ ފަހުން ނެރުނު އަލްބަމަކީ މިދިޔަ އަހަރުގެ "ލަވް" އެވެ.

Comments