"ޑަބްލިއުޓީ: ސޯޝަލް" ބޮލަށް ފަސޭހަ ސޯޝަލް ނެޓްވޯކެއް

ފޭސްބުކާއި ޓްވިޓާ ކަހަލަ ފްލެޓްފޯމްތައް ބޭނުންކުރާ މީހުންގެ އެންމެ ބޮޑު އެއް ކަންބޮޑުވުމަކީ އެ މީހުންގެ ޒާތީ މައުލޫމާތުގެ ބޭނުން ނަހަމަ ގޮތުގައި ހިފުމާއި ފޭކް ނިއުސް ނުވަތަ ތެދު ނޫން މައުލޫމާތުގެ ތެރެއަށް މީހާ ގަންބާލުމެވެ.

އަހުމަދު އަދްޝަން

21 ނޮވެމްބަރ 2019

މި ކަންބޮޑުވުންވުންތަކުން ސަލާމަތެއްކޮށްދޭނެ ޕްލެޓްފޯމެއްގެ ގޮތުގައި ދައުވާކުރަމުން މިހާރު ގިނަ ބައެއްގެ ސަމާލުކަން ހުއްޓިފައި ވަނީ ވިކިޕީޑިއާގެ ބާނީ ޖިމީ ވޭލްސް ތައާރަފުކުރި ޑަބްލިއުޓީ:ސޯޝަލް ނުވަތަ ވިކިޓްރިއުނަލް އެވެ.

ވިކިޓްރިބިއުނަލް ލޯންޗްކުރީ މީގެ ދެ އަހަރު ކުރިން 2017 ގައި ކަމަށް ވިޔަސް މި ޕްލެޓްފްލެޓް، ސޯޝަލް ޕްލެޓްފޯމެއްގެ ގޮތުގައި ދޫކޮށްލީ މިދިޔަ މަހުގެ ތެރޭގަ އެވެ. އެ ބޭނުންކުރާ މީހުންގެ އަދަދު ކުޑަ ދުވަސްކޮޅެއްގެ ތެރޭގައި ވަނީ 200،000 ފަހަނަޅައިފަ އެވެ.

https://t.co/Uk7PUE8GV2 just passed 200,000 members while I was having dinner with @carolecadwalla, @iRowan , @chrisinsilico , @RanaForoohar , @jamiesusskind and others on the general topic of what's gone wrong with social media and the world in general.
— Jimmy Wales (@jimmy_wales) November 18, 2019

ޑަބްލިއުޓީ: ސޯޝަލް އަށް ހިލޭ ރަޖިސްޓްރީކޮށްލައި، ބޭނުންކުރެވޭނެ އެވެ. މީގެ އެންމެ ހާއްސަ އެއް ސިފަ އަކީ ސޯޝަލް މީޑިއާގެ ތެރޭގައި އެނބުރޭ ތެދު ނޫން މައުލޫމާތުތައް އިސްލާހުކޮށް، ސީދާ ވިކިޕީޑިއާ އަށް ވޮލަންޓިއާކޮށް މައުލޫމާތު ހިއްސާކުރެވުމެވެ. އެގޮތުން އެ މީހަކު ޝައުގުވެރިވާ ދާއިރާއަކުން މައުލޫމާތުތައް ހިއްސާކުރެވި، ވިކިޕީޑިއާ ކޮންޓެންޓް އިތުރަށް މުއްސަނދިކޮށްދެވޭނެ އެވެ.

I’ve been using it for almost a week now and I’m very pleased with the content. I haven’t had the chance to post anything yet but I get to read more interesting news/topics than I used to before, from a wider variety of media. So, thank you for the initiative! #WTSocial
— Alex ??? (@AlexiiiRaia) November 19, 2019

މި ޕްލެޓްފޯމަކީ ފޭސްބުކްގެ ގޮތަށް ނިއުސް ފީޑްތައް ލިބޭނެ އެއްޗެކެވެ. އެކަމަކު މިއީ ފޭސްބުކާއި ޓްވިޓާ އަށް ވުރެ ހުރިހާ ގޮތަކުން ވެސް ރައްކާތެރި ޕްލެޓްފޯމަކަށްވާނެ ކަމުގެ ގެރެންޓީ ޖިމީ ދެ އެވެ.

Hats off to @jimmy_wales for saying on @daily_politics that he’ll be boycotting the #ITVDebate because @joswinson & @LibDems won’t be there... me neither. It’s a shameful decision by @itvnews that needs to be investigated by @Ofcom immediately after its broadcast! #DebateHer
— Mark Platt (@Mabbes1408) November 19, 2019

ކުޑަ ދުވަސްކޮޅެއްގެ ތެރޭގައި ގިނަ ބަޔަކު ބޭނުންކުރާ އެއްޗަކަށް ޑަބްލިއުޓީ:ސޯޝަލް ވެފައި ވާތީ ޖިމީ ވަނީ އެއީ ވަރަށް ބޮޑު ކާމިޔާބީއެއްގެ ގޮތުގައި ސިފަކޮށްފަ އެވެ. އޭނާ ގަބޫލުކުރާ ގޮތުގައި މި ޕްލެޓްފޯމް ކުރިއަށް އޮތް ތަނުގައި ވެގެންދާނީ ފޭސްބުކާއި ޓްވިޓާ އަށް ވުރެ މަގުބޫލު އަދު ވާދަވެރިކަން ބޮޑު އެއްޗަކަށެވެ.

މިހާރު ވެސް މި ޕްލެޓްފޯމް ބޭނުންކުރާ މީހުން އަންނަނީ ޖިމީގެ މަސައްކަތަށް ތައުރީފުކުރަމުންނެވެ.

ޑަބްލިއުޓީ: ސޯޝަލް އަދި ބޭނުން ކުރަން ނުފަށާ ނަމަ އަވަހަށް ރަޖިސްޓްރީކޮށްލައި މީގައި ހުރި ތަފާތު ތަޖުރިބާކޮށްލުމަކީ ހަމަ ވަރަށް ރަނގަޅު ކަމަކަށް ވާނެ އެވެ.

Comments