ޕާލަމެންޓުގެ ބައްދަލުވުންތަކަކީ ރެކޯޑެއް، މޯދީގެ ތައުރީފް މެންބަރުންނަށް

ނިއު ދިއްލީ (ޑިސެމްބަރު 30) - އިންޑިއާ ޕާލަމެންޓުން ވޭތުވެދިޔަ ދެ ދައުރު ވަނީ ރެކޯޑް އަދަދެއްގެ ޖަލްސާތައް ބާއްވާފައި ކަމަށާއި އެކަމަށްޓަކައި ހުރިހާ ޕާޓީތަކަކަށް ބޮޑު ވަޒީރު ނަރެންދުރަ މޯދީ މަރުހަބާ ވިދާޅުވެއްޖެ އެވެ.

މަހަކު އެއް އަހަރު ދެއްވާ ރޭޑިއޯ ޕްރޮގްރާމުގެ 60 ވަނަ އެޑިޝަންގައި މޯދީ ވިދާޅުވީ ވޭތުވެދިޔަ ދެ ދައުރު ޕާލަމެންޓުން ވަނީ ވޭތުވެދިޔަ 60 އަހަރުގެ ރެކޯޑް މުގުރާލާފައި ކަމަށެވެ.

"އަޅުގަނޑު ފަޚުރުވެރިކަމާ އެކު ދަންނަވަން ތިޔަ ބޭފުޅުން ޕާލަމެންޓަށް ފޮނުވި މެންބަރުން ވަނީ ވޭތުވެދިޔަ ހަ މަސް ދުވަހުގެ ހުރިހާ ރެކޯޑެއް މުގުރާފައި ކަމަށް. ޕާލަމެންޓުގެ މަސައްކަތް ވަރަށް އުފެއްދުންތެރި،" މޯދީ ވިދާޅުވި އެވެ.

އިންޑިއާގެ ބޮޑު ވަޒީރު ވިދާޅުވީ ޕާލަމެންޓުގައި މެންބަރުން ކުރެއްވި މަސައްކަތަށް ހުރިހާ މެންބަރުންނަށް ވެސް ތައުރީފް ހައްގުވާ ކަމަށެވެ.

"މިވަރުގެ މަސައްކަތެއް މެންބަރުން ކުރުމުން ދޭހަކޮށްދެނީ އިންޑިއާގެ ޑިމޮކްރެސީގެ ވަރުގަދަކަން،" މޯދީ ވިދާޅުވި އެވެ. "މެންބަރުންގެ ހީވަގި މަސައްކަތަށްޓަކައި މެންބަރުންނާއި ސިޔާސީ ޕާޓީތަކުގެ ލީޑަރުންނަށް މަރުހަބާ ދަންނަވަން."