ސަމާ އައިލެންޑަށް "ހޮލިޑޭ ޗެކް ގޯލްޑް" އެވޯޑު ލިބިއްޖެ

ދުނިޔޭގެ ޓޫރިޒަމް ދާއިރާގައި ފާހަގަކޮށްލެވޭ ރިސޯޓުތަކަށް ދޭ "ހޮލިޑޭ ޗެކް ގޯލްޑް" އެވޯޑު ސަމާ އައިލެންޑް ރިސޯޓަށް ލިބިއްޖެ އެވެ.

މި އެވޯޑަކީ ޓޫރިސްޓުންގެ ވޯޓާ އެކު ކޮންމެ އަހަރެއްގެ ޖެނުއަރީގައި ދުނިޔޭގެ އެކި ރިސޯޓުތަކަށް ދެމުން އަންނަ އެވޯޑެކެވެ. މި އަހަރު މި އެވޯޑު 38 ގައުމެއްގެ 188 ރިސޯޓަށް ވަނީ ލިބިފަ އެވެ. މި އެވޯޑަށް މި އަހަރު 950،000 އަށްވުރެ ގިނަ ޓޫރިސްޓުން ވަނީ ވޯޓު ދީފަ އެވެ.

ހޮލިޑޭ ޗެކްގެ ގޯލްޑް އެވޯޑަކީ ހޮލިޑޭ ޗެކް އެވޯޑު ޖެހިޖެހިގެން ފަސް އަހަރު ވަންދެން ހޯދައިފައިވާ ރިސޯޓްތަކަށް ދޭ އެވޯޑެކެވެ.

ހޮލިޑޭ ޗެކް އެވޯޑަށް ރިސޯޓުތައް ނޮމިނޭޓް ވާނީ އެ ރިސޯޓަކަށް ދާ ޓޫރިސްޓުންގެ ތެރެއިން 50 ޓޫރިސްޓުންގެ އާ ރިވިއުއާ އެކުގަ އެވެ. އަދި 90 ޕަސެންޓް ޓޫރިސްޓުން އެ ރިސޯޓަކީ ދެވަނަ ފަހަރަށް ޗުއްޓީ ހޭދަކޮށްލަން ދާން ބޭނުންވާ ރިސޯޓެއް ކަމަށް ވޯޓު ދޭން ޖެހޭނެ އެވެ.

ސަމާ އައިލެންޑުން ވަނީ 2017 އަދި 2018 ވަނަ އަހަރުގެ ސާޓާ އެވޯޑުގައި ދެކުނު އޭޝިއާގެ އެންމެ ހިތްގައިމު ބީޗް ރިސޯޓުގެ އެވޯޑު ވެސް ހާސިލް ކޮށްފަ އެވެ.