ކޮވިޑް 19: ކާމިޔާބާ ގުޅިގެން ތައުރީފާއި ޝުކުރު

20 މާޗް 2020

ކޮވިޑް 19ގެ ހާލު ބޮޑުވެގެން ފަރުކޮޅުފުށިން ދަރުމަވަންތަ ހޮސްޕިޓަލުގެ އައިސީޔޫ އަށް ލި އިޓަލީގެ، އުމުރުން 70 އަހަރުގެ މީހާ އާއި އޭނާގެ އަނބިމީހާ މުޅިން ރަނގަޅުވުމާ އެކު އެ މީހުންނަށް ފަރުވާ ދިނުމުގައި ހަރަކާތްތެރިވި ޑޮކްޓަރުންނާއި ނަރުހުންނަށް ޝުކުރާއި ތައުރީފު އޮހެމުން އެބަ ދެ އެވެ.

އެ ދެ މީހުން ވެސް މިހާރު ކޮވިޑަށް ވަނީ ނެގެޓިވް ވެފަ އެވެ. އެ ދެ މީހުން ވެސް މިހާރު ތިބީ ހޮސްޕިޓަލުން ދޫކޮށްލުމުގެ މަރުހަލާގަ އެވެ. އެހެން ނަމަވެސް، ދެ މީހުން ވެސް އަދި ދެ ހަފުތާ ވަންދެން އައިސޮލޭޓް ކުރާނެ އެވެ. އެ ދެ މީހުން ވެސް ކޮވިޑުން މިހާރު ސަލާމަތްވެފައިވާކަން އިއުލާން ކުރެއްވީ ސިއްހީ ދާއިރާގެ ޓީމަކާ އެކު ހެލްތު މިނިސްޓަރު އަބްދުﷲ އަމީން ދެއްވި ޕްރެސް ބްރީފިންއެއްގަ އެވެ.

ٱلْحَمْدُ لِلَّٰهِ
ރާއްޖެއިން ފުރަތަމަ ފެނުނު ކޮވިޑް19 ގެ 2 ބަލިމީހުންނަށް ފަރުވާދެވި މިވަނީ ރަނގަޅުވެފައި. ބަލިމީހާއަށް ފަރުވާދެއްވި ޑޮކްޓަރުންނާއި ނަރުހުންނަށް އަދި މިކަމުގައި ބައިވެރިވި އެންމެހާ ބޭފުޅުންނަށް ޝުކުރު ދަންނަވަން#StaySafe #PracticeSocialDistancing
— Faisal Naseem (@FaisalNasym) March 20, 2020

ރާއްޖޭގައި ފުރަތަމަ ފަހަރަށް ކޮވިޑްގެ ޕޮޒިޓިވް ދެ މީހުންނަށް ފަރުވާދިން ދިން އިރު އިޓަލީގެ އެ ޓޫރިސްޓް މީހާގެ ހާލު ވަރަށް ބޮޑަށް ގޯސްވެގެން ދިޔަ އެވެ. އޭނާގެ ފުއްޕާމޭގެ ދެފަޅި އަށް ނިއުމޯނިޔާގެ އަސަރުކޮށް އެހެން ބަލިތަކެއް ވެސް ޖެހުނެވެ. އަދި ފުރަތަމަ ހަތަރު ދުވަހު އޭނާ އައިސީޔޫގައި އޮތީ ވަރަށް ކްރިޓިކަލް ހާލަތެއްގަ އެވެ. އެ މީހުންނަށް ފަރުވާ ދިން ޓީމުގެ އިސް ބޭފުޅެއްގެ ގޮތުން ހަރަކާތްތެރިވެވަޑައިގެންނެވި އިސް ޑރ. މޫސާ ހަސަން މިރޭ ވިދާޅުވި ގޮތުގައި، ޑޮކްޓަރުން ވެސް ތިބީ ދެން ކުރާނީ ކީއްކަން ނޭނގޭ ހާލަތެއްގަ އެވެ.

A big vote of thanks to Govt, @HPA_MV and Maldivian doctors and nurses for helping the country’s first coronavirus patient to make a full recovery. ? ??
— Mohamed Nasheed (@MohamedNasheed) March 20, 2020

އެކަމަކު ވަރަށް ގިނަ ތަޖުރިބާތަކެއް ޑޮކްޓަރުންނަށް ވެސް ލިބި އަދި ދެ މީހުން ރަނގަޅުވި ކަން އިއުލާން ކުރުމާ އެކު، ރާއްޖޭގެ ސިޔާސީ ބޮޑެތި ބޭފުޅުން ވަނީ އެކަމަށް މަރުހަބާ ވިދާޅުވެފަ އެވެ.

ނައިބު ރައީސް ފައިސަލް ނަސީމް ކުރެއްވި ޓްވީޓެއްގައި ވިދާޅުވީ އެ މީހުންނަށް ފަރުވާ ދެއްވި ޑޮކްޓަރުންނަށާއި ނަރުހުންނަށާއި މިކަމުގައި ބައިވެރިވެވަޑައިގެންނެވި އެންމެހާ ބޭފުޅުންނަށް ޝުކުރު ދަންނަވާ ކަމަށެވެ.

Doctarun,Naruhun,Sihhee hidhumaiytherin,Sifain,Fuluhun, Media,seedhaa/ nuseedhaagothun masahkaiy kuravvaa beyfulhun & emmehaa aailaathakah fahfashun shukuriyya.

Raees @ibusolih,Min.@ameenex & @HPA_MV kuravvaa masahkathah hama saabas.

Iraadhakureviyya ehkoh mikamun minjuveveyne.
— Ahmed Mahloof (@AhmedMahloof) March 20, 2020

ކުރީގެ ރައީސް، އަދި ރައްޔިިތުންގެ މަޖިލީހުގެ ރައީސް މުހަންމަދު ނަޝީދު ވަނީ ސަރުކާރަށާއި އެޗްޕީއޭ އަށް ތައުރީފުކުރައްވައިފަ އެވެ. އަދި އެއީ ގައުމަށް ލިބުނު ކާމިޔާބެއްގެ ގޮތުގައި އެކަން ސިފަކުރެއްވި އެވެ.

ސިޔާސީ އިދިކޮޅު ބައެއް ފަރާތްތަކުގެ ތެރެއިން ޕީޕީއެމްގެ ނައިބު ލީޑަރު އަހުމަދު ޝިޔާމާއި ގުރައިދޫ ދާއިރާގެ ޣައްސާން މައުމޫން ވެސް ވަނީ، ދެ މީހުން ސަލާމަތްވެ، ދޫކޮށްލާ ހާލަތަށް ދިއުމުން، "އަލްހަމްދު ލިއްލާހި"އޭ ވިދާޅުވެފަ އެވެ.

Great news. Thank you to @HPA_MV, and all the doctors and health professionals working so hard @igmhmv to treat these patients. #StayHome #COVID19Maldives #WashYourHands https://t.co/uW9aia6nQ9
— Ahmed Usham (@a_usham) March 20, 2020

މީގެ އިތުރުން ބައެއް ޕާލަމެންޓް މެމްބަރުންނާއި ސަރުކާރުގެ ބައެއް މިނިސްޓަރުން ވެސް އެ ކާމިޔާބު ފާހަގަކުރެއްވި އެވެ.

ކޮރޯނާވައިރަސްއާ ގުޅިގެން ދަރުމަވަންތަ ހޮސްޕިޓަލުގައި މިހާރު އެޑްމިޓްކޮށްގެން ފަރުވާ ދެނީ އެންމެ މީހަކަށެވެ. އޭނާގެ ހާލު ވެސް ރަނގަޅެވެ.

الْحَمْدُ للَّهِ

Update: Miee varah bodu kaamiyaabeh, varah gina thajuribaathakeh kurevijje: Dr. Moosa https://t.co/ivls9oxxju
— Ahmed Shiyam (@Shiyamaldives) March 20, 2020

Comments